Янгиликлар
27
“Pedagoglar ushın jaratılǵan jeńillikler”
Sońǵı jıllarda elimizde pedagoglardı qollap-quwatlaw hám olardıń miynet sharayatların jaqsılawǵa qaratılǵan keń kólemli ilajlar ámelge asırılmaqta. Ásirese, oqıtıwshılardıń aylıq is haqıları basqıshpa-basqısh asırılıp, olardıń miynetine layıq xoshametlew ilajları kórilmekte.
Ózbekstan Respublikası Prezidentiniń 2020-jıl 6-noyabrdegi PF–6108-sanlı “Ózbekstannıń jańa rawajlanıw dáwirinde tálim-tárbiya hám ilim-pán tarawların rawajlandırıw ilajları haqqında”ǵı Pármanında pedagoglardıń jámiyetdegi abıroyın kóteriw hám olardı sosial qollap-quwatlaw wazıypaları belgilep berilgen.
Sonday-aq, Ózbekstan Respublikasınıń 2020-jıl 23-sentyabrde qabıl etilgen “Tálim haqqında”ǵı Nızamında pedagog xızmetkerleriniń huqıqları, sosial qorǵawı hám kásiplik xızmetin ámelge asırıw ushın zárúr sharayatlar jaratıw mámlekettiń áhmiyetli wazıypalarınıń biri ekenligi kórsetilgen.
Búgingi kúnde elektron jurnallar, raqamlı tálim platformaları hám avtomatlashtırılǵan esabat sistemalarınıń engiziliwi oqıtıwshılardıń artıqsha qaǵazbazlıq jumısların azaytırmaqta.
Bul pedagoglarǵa óz dıqqatın negizinen tálim sapasın arttırıwǵa hám oqıwshılar menen islewge qaratıw imkaniyatın beredi.
Pedagoglar ushın jaratılıp atırǵan bunday múmkinshilikler hám jeńillikler tálim sistemasınıń nátiyjeliligin arttırıwǵa, sonday-aq jas áwladtı bilimli, tárbiyalı hám watansúyiwshi etip tárbiyalawǵa xızmet etpekte.
Shımbay rayonı ádillik bólimi
Yuridikalıq xızmet kórsetiw orayı bas yuriskonsultı B.Bekimbetov