Янгиликлар
19
Huqıqlardı tán alíw
2024-jıl 5-avgust kúni “Ózbasımshalıq penen iyelep alınǵan jer uchastkalarına hám de olarda qurılǵan imaratlar menen qurılmalarǵa bolǵan huqıqlardı tán alıw haqqında”ǵı 937-sanlı Nızam qabıl etildi.
Nızam orınlanıwı ústinen qadaǵalaw prokuratura hám ádillik uyımları tárepinen ámelge asırılıwı belgilengen.
Xalıq deputatları rayonlıq Keńesiniń qararı menen puqaralardıń huqıqların tán alıwǵa járdemlesiw boyınsha jámiyetlik toparlar shólkemlestiriledi.
Jámiyetlik toparǵa Keńes deputatları, puqaralardıń ózin-ózi basqarıw uyımınıń baslıqları kiritiledi.
Jer uchastkasına bolǵan ijara huqıqın tán alıw ushın bir mártelik tólem, jigirma jumıs kún ishinde, bazalıq esaplaw muǵdarınıń belgili esesi muǵdarında óndiriledi.
Birinshi hám ekinshi topar mayıplıǵı bolǵan shaxslar bir mártelik tólemdi tólewden azat etiledi.
“Sociallıq qorǵaw birden-bir reestri” málimleme sistemasına kiritilgen shaxslardan bir mártelik tólem, belgilengen tólemniń 50 payız muǵdarında óndiriledi.
Eger huqıq tán alınbasa, ózbasımshalıq penen iyelep alınǵan jer uchastkaları qaytarıp alınadı hámde imaratlar hám qurılmalar qurıw menen baylanıslı nızam buzılıwlar saplastırıladı.
Bir mártelik tólem tólengen jaǵdayda, hújjetler unamlı juwmaqlar menen birge Qaraqalpaqstan Respublikası Joqarǵı Keńesine gezektegi sessiyada (májiliste) kórip shıǵıw ushın avtomatlastırılǵan málimleme sisteması arqalı jiberiledi.
Shımbay rayonı ádillik bólimi
Yuridikalıq xızmet kórsetiw orayı baslıǵı A.Reymov