Янгиликлар
04
Medicina hám farmacevtika xızmetkerleriniń qánigeligi boyınsha is stajın esaplap shıǵıw tártibi
Ózbekstan Respublikası Ministrler Kabinetiniń 2005-jıl 21-dekabr kúngi 276-sanlı “Medicina xızmetkerleriniń miynetine haqı tólewdiń jetilistirilgen sistemasın tastıyıqlaw haqqında”ǵı Qararı menen tastıyıqlanǵan “Ózbekstan Respublikası mámleketlik mákemeleri medicina hám farmacevtika xızmetkerleri miynetine haqı tólewdiń tátribi hám shártleri haqqında”ǵı Rejeniń 3-qosımshasında Medicina hám farmacevtika xızmetkerleriniń qánigeligi boyınsha is stajın esaplap shıǵıw tártibi belgilengen.
Oǵan bola xızmetkerlerdiń miynet dáptershesi qánigelik boyınsha is stajın anıqlaw ushın hújjet esaplanadı.
1.Tómendegi waqıt dáwirleri medicina hám farmacevtika xızmetkerleriniń qánigelik boyınsha is stajına kirgiziledi.
shıpakerler hám provizorlar ushın— joqarı yaki bolmasa orta medicinalıq maǵlıwmatı bolǵanda, shıpakerlik, farmacevtika hám orta medicina xızmetkerleri lawazımlarında, sonday-aq bassshı lawazımlardaǵı jumıs waqtı;
orta medicina hám farmacevtika xızmetkerleri ushın- orta medicina yaki farmacevtika xızmetkerleri lawazımlarındaǵı, sonday-aq bassshı lawazımlardaǵı jumıs waqtı;
miynetke haqı tólew boyınsha medicina hám farmacevtika xızmetkerlerine teńlestirilgen medicinalıq emes lawazımdı iyelep turǵan qánigeler ushın:
qánigeligi boyınsha jumıs waqtı;
joqarı yaki orta medicina yamasa farmacevtika maǵlıwmatı bolǵanda, shıpakerlik, farmacevtika hám orta medicina xızmetkerleri lawazımlarındaǵı, sonday-aq bassshı lawazımlardaǵı jumıs waqtı;
kishi medicina xızmetkerleri ushın- kishi medicina xızmetkeri lawazımlarındaǵı jumıs waqtı;
shıpakerler, provizorlar, orta medicina hám farmacevtika xızmetkerleri ushın- Ózbekstan Respublikası Qurallı kúshleri, ishki isler hám mámleketlik qáwipsizlik organlarında medicina hám farmacevtika xızmetkerleri shtat lawazımlarındaǵı, sonday-aq, Ózbekstan Respublikası Prezidenti janındaǵı Sociayllıq qorǵaw milliy agentligi hám onıń sisteması shólkemlerindegi xızmet waqtı.
2.Tómendegi sanap ótilgen dáwirlerden tikkeley aldın hám tikkeley keyin ústeme alıw huqıqın beretuǵın jumısta islegenlik shárti menen is stajına kirgiziletuǵın waqıt dáwirleri:
qánigeli boyınsha mamanlıǵın jetilistiriw hám asırıw kurslarında, sonday-aq magistraturada, aspiranturada hámde doktoranturada oqıw waqıtı;
xızmetker ámelde islemegen, lekin onıń jumıs ornı (lawazımı) hám is haqı tolıq yaki bir bólegi saqlanıp qalǵan waqtı, sonıń menen birge nadurıs jumıstan bosatıw yaki basqa jumısqa ótkeriwde hám keyin ala onı jumısqa qayta tiklewde májbúriy islemegen waqtı;
xızmetker islemegen, lekin óziniń jumıs ornın (lawazımın) saqlap qalǵan hám mámleketlik sociyallıq qamsızlandırıw boyınsha hapaqa alǵan waqtı, bala 2 (3) jasqa tolǵanǵa shekem tárbiyalaw ushın beriletuǵın dem alısta bolǵan dáwirlerden tısqarı;
mámleketlik yaki jámiyetlik wazıypalardı orınlawdaǵı, sonday-aq Ózbekstan Respublikası nızamshılıǵına muwapıq belgilengen tártipte dizimnen ótkerilgen jámiyetlik shólkemler tapsırmaların orınlawdaǵı jumıs waqtı.
Shımbay rayonı ádillik bólimi
Yuridikalıq xızmet kórsetiw orayı
bas yuriskonsulti Sh.Matniyazov