Янгиликлар
01
Kredit kanikuli: qarız alıwshı biliwi kerek bolǵanlar
Kredit kanikuli - bul kredit tólemlerinen nızamlı “dem alıw” imkaniyatı. Eger turmıs tosattan rejelerińizdi ózgertip jiberse: jumıstan ayrılsańız, kesel bolıp qalsańız, tuwıw dem alısına shıqsańız yamasa ápiwayı finanslıq qıyınshılıqlarǵa dus kelseńiz, bul waqtınsha dem alıw imkanın beredi. Bunıń mánisi sonda, kredittiń tiykarǵı bólegi boyınsha, procentler boyınsha yamasa bir waqıttıń ózinde ekewi boyınsha da tólemlerdi keshiktiriw huqıqına ie bolasız. Biraq, sonı este saqlaw áhmietli, bul qarızdan keshiriw emes, al tólemlerdi keshiktiriw. Báribir hámmesin qaytarıwıńız kerek boladı - tek keyinirek hám artıqsha qáwetersiz.
Ózbekstan Respublikasi Oraylıq banki tárepinen kreditlerdi klassifikaciyalawǵa kreditlerdi qaytarıwda waqıcha qıyınshılıqlarǵa dus kelgen puqaralardı qollap-quwatlawǵa qaratılǵan jańa tártipler tastıyıqlandı.
Bul haqqındaǵı qarar 2025-jıl 23-dekabr kúni Ádillik ministrliginde 26965-san menen dizimnen ótkerilgen. Qarız alıwshınıń múrájatına bola bank tárepinen kredit shártnaması múddeti dawamında tólemler múddeti tómendegi jaǵdaylar nátiyjesinde birinshi márte keshiktirilgende yaki sozdırılǵanda kredit klassifikaciyası ózgertilmeydi hám shártleri qayta kórip shıǵılǵan aktivler sıpatında klassifikaciyalanbaydı:
qarız alıwshınıń eki aydan artıq múddet dawamında waqtınsha miynetke jaramsız bolıp qalıwı;
qarız alıwshınıń miynet shártnaması biykar etiliwi hám jumıs izlep atırǵan shaxs sıpatında rayon (qala) lıq kámbaǵallıqtı qısqartıw hám bántlikke kómeklesiw bólimlerinde dizimge alınıwı;
qarız alıwshınıń birgeliktegi qarız alıwshısı hám (yamasa) kepil bolǵan zayıbınıń qaytıs bolıwı;
I yamasa II topar mayıplıǵı bolǵan shaxslar qarız alıwshınıń qaramaǵına alınıwı yamasa onıń qaramaǵındaǵı I yamasa II topar mayıplıǵı bolǵan shaxslar sanınıń artıwı;
qarız alıwshıǵa qarata mayıplıqtıń I yamasa II toparı belgileniwi;
tábiyǵıy hám texnogen xarakterdegi ayrıqsha jaǵdaylardıń júzege keliwi;
qarız alıwshınıń hámiledarlıq hám tuwıw dem alısına shıǵıwı.
Bunda, usi jaǵdaylar boyınsha qarız alıwshı tárepinen kredit shártnaması boyınsha tólemler múddetin keshiktiriw yamasa sozdırıw haqqında bankke múrájat etilgende usı múrájat sánesinen aldınǵı eki ay dawamında qarız alıwshınıń ortasha aylıq dáramatları sońǵı on eki ay ishindegi ortasha aylıq dáramatlarına salıstırǵanda keminde 30 procentke azayǵan bolıwı tiyis.
Kegeyli rayoni ádillik bólimi basliǵi A.Shabatov