Янгиликлар
01
Ózbekstanda hámledarlıq hám tuwıw ushın tólemlerdiń jańa qaǵıydaları engizildi
Sociallıq qorǵaw milliy agentligi mámleketlik sociallıq qamsızlandırıw sisteması sheńberinde hámiledarlıq hám tuwıw boyınsha napaqalardı tayınlaw hám tólew tártibin túsindirdi.
Jańa qaǵıydalar Miynet kodeksi, “Mámleketlik sociallıq qamsızlandırıw haqqında”ǵı nızam hám Ministrler Kabinetiniń qararlarında óz kórinisin taptı.
MKniń 404-statyasına muwapıq, napaqalardı tayınlaw hám tólew tártibi húkimet tárepinen belgilenedi. Bul normanı rawajlandırıw maqsetinde 2025-jıl 9-dekabr kúni “Mámleketlik sociallıq qamsızlandırıw haqqında”ǵı nızam qabıl etilip, qamsızlandırıw tólemlerine, sonıń ishinde, eń kem qamsızlandırıw stajına birden-bir talaplar engizildi. Ministrler Kabineti nızam tiykarında waqtınsha miynetke jaramsızlıq, hámiledarlıq hám tuwıw ushın napaqa tólew boyınsha jańa rejeni tastıyıqladı.
Hújjette qamsızlandırılǵan shaxstıń qamsızlandırıw stajına qarap napaqalardıń differenciyalasqan muǵdarı názerde tutılǵan. Belgilengen tártip boyınsha tólemler tómendegishe esaplanadı:
- qamsızlandırıw stajı 10 aydan 24 ayǵa shekem bolsa - ortasha is haqınıń 75%;
- 25 aylıqtan 60 aylıqqa shekem - 85%;
- 61 ay hám onnan joqarı - ortasha is haqınıń 100% i.
Agentliktiń atap ótiwinshe, napaqa muǵdarınıń minimal muǵdarı - ortasha miynet haqınıń 75 procentinen az bolmaǵan muǵdar saqlanıp qalınǵan hám jańa qaǵıydalar Miynet kodeksine qayshı kelmeydi. Onda napaqalardı tayınlaw hám tólew mexanizmleri húkimettiń wákilligine kirgizilgen.
Hámledarlıq hám tuwıw boyınsha napaqalar sociallıq járdem emes, al qamsızlandırıw tólemleri bolıp esaplanadı. Olarga bolǵan huqıq sociallıq qamsızlandırıw sistemasında qatnasıw hám qamsızlandırıw tólemlerin tólew esabınan qáliplesedi.
2026-jıl 1-yanvarǵa shekem bunday napaqalar tiykarınan byudjet shólkemlerinde tólenip, jumıs beriwshiniń minnetlemesi sıpatında qaraǵan. Basqarmanıń bahalawınsha, bul qamsızlandırıw tólemleri hám tólemlerdi alıw huqıqı arasındaǵı baylanıstı támiyinlemegen hám ayırım jaǵdaylarda óz-ara paydalanıwǵa, sonıń ishinde, napaqa alıw ushın qısqa múddetli rásmiy jumısqa ornalasıwǵa alıp kelgen.
Ózgerisler hayal-qızlardıń sociallıq qorǵalıwın sheklemeydi, kerisinshe, rásmiy bántlikti hám qamsızlandırıw sistemasında úzliksiz qatnasıwdı xoshametlep, turaqlı sociallıq kepilliklerdi támiyinleydi.
Bunnan aldın jeke menshik sektorda keminde altı aylıq úzliksiz miynet stajınıń bolıwı talap etilip, napaqa muǵdarı ortasha miynet haqınıń 75% in quraytuǵın edi. Bunday qatnas xalıqaralıq ámeliyatqa da sáykes keledi.
Moynaq rayonı ádillik bólimi
Yuridikalıq xızmet kórsetiw
orayı bas yuriskonsulti A.Vasyakin