Янгиликлар
15
Naq pulsız esap-kitap – ashıqlıq hám qáwipsizlik kepili
Naq pulsız esap-sanaqlardı ǵalaba en jaydırıw hám biznes júrgiziwde báseki ortalıǵın jáne de rawajlandırıw, mámleketimizde jasırın ekonomika úlesin qısqartıwdıń nátiyjeli mexanizmlerin engiziw jáne biznesti sayadan shıǵarıwdı xoshametlew maqsetinde Ózbekstan Respublikası Prezidentiniń 2025-jıl 10-dekabrdegi “Naq pulsız esap-sanaqlardı ǵalaba en jaydırıw hám jasırın ekonomika úlesin qısqartıwǵa qaratılǵan qosımsha ilajlar haqqında” ǵı PP-246-sanlı Pármanı qabıl etildi.
Usı Pármanǵa muwapıq 2026-jıl 1-aprelden baslap tómendegiler ushın tólemler tek ǵana bank kartaları yamasa elektron tólem sistemaları arqalı ámelge asırılıwı belgilendi:
- mámleketlik uyımlar tárepinen kórsetiletuǵın xızmetler;
- elektr energiyası, tábiy gaz, ishimlik suwınan paydalanǵanı ushın tólemler (bank kassaları arqalı ámelge asırılatuǵın tólemler buǵan kirmeydi);
- alkogol hám temeki ónimleri;
- transport qurallarına janılǵı quyıw shaqapshaları arqalı xalıqqa neft-gaz ónimlerin satıw hám elektrde háreketlenetuǵın transport quralların zaryadlaw boyınsha xızmetler;
- qunı 25 million swmnan artıq bolǵan tovar hám xızmetler (awıl xojalıǵı ónimleri buǵan kirmeydi);
- kóshpes múlk obyektleri, islep shıǵarılǵanına on jıldan kóp bolmaǵan M, N, O hám G kategoriyalarǵa kiretuǵın transport quralları hám de arnawlı avtotransport quralların satıw hám satıp alıw.
Bunda:
- alıp satıw shártnamaları boyınsha satıwshı hám qarıydar arasındaǵı esap-kitaplar bank hám notarial uyımlardıń málimleme sistemaları arasında maǵlıwmat almasıwı arqalı ámelge asırıladı (bank kassaları arqalı ámelge asırılatuǵın tólemler buǵan kirmeydi);
- shártnamalardı notarial tártipte rásmiylestiriw ushın kommerciyalıq bankler hám tólew shólkemleri tárepinen elektron málimleme almasıwı quralında tólemdi tastıyıqlawshı maǵlıwmatlar tiykar boladı.
Juwmaqlap aytqanda, usı Párman Respublikamızda sanlı ekonomikaǵa ótiw procesin jedellestiriwshi áhmiyetli hújjet bolıp esaplanadı. Ol tek ǵana qarjı sistemasın modernizaciyalaw emes, al ekonomikanıń turaqlı ósiwin támiyinlewde de áhmiyetli faktor bolıp xızmet etedi.
Moynaq rayonı ádillik bólimi baslıǵı R.Annarazov