Янгиликлар
25
"Turaq jay shańaraqların turmıslıq gaz ballonları menen támiyinlewde mámleketlik xızmetin kórsetiw"diń hákimshilik reglamenti tastıyıqlandı
"Turaq jay shańaraqların turmıslıq gaz ballonları menen támiyinlewde mámleketlik xızmetin kórsetiw"diń hákimshilik reglamenti tastıyıqlandı
Ózbekstan Respublikası Ministrler Kabineti qararı (180-sanlı, 17.04.2026-j.) menen "Turaq jay shańaraqların turmıslıq gaz ballonları menen támiyinlewde mámleketlik xızmetin kórsetiw"diń hákimshilik reglamenti tastıyıqlandı.
Qararǵa tiykar 2026-jıl 1-iyunnan baslap fizikalıq shaxslardı turmıslıq gaz ballonları menen támiyinlew xızmeti usı qarar menen tastıyıqlanǵan Hákimshilik reglamentke muwapıq tek ǵana Mámleketlik xızmetler orayları yamasa Ózbekstan Respublikası Birden-bir interaktiv mámleketlik xızmetler portalı arqalı kórsetiledi.
Mámleketlik xızmet kórsetilgenligi ushın jıyım óndirilmeydi.
Hújjetlerdegi maǵlıwmatlardıń durıslıǵı hám haqıyqıylıǵı ushın arza beriwshi jeke juwapker esaplanadı.
Arza beriwshiniń sorawnaması avtomat tárizde bir jumıs saatı dawamında wákillikli operatorǵa jiberiledi.
Turmıslıq gaz ballonı tábiyǵıy gaz benen gazlestirilmegen aymaqlarda jasawshı fizikalıq shaxslarǵa beriledi.
Wákillikli operator arza kelip túsken kúni maǵlıwmatlardı "E-gaz" baǵdarlamasında qáliplestiredi, 1 jumıs kúninde sorawnamada kórsetilgen maǵlıwmatlardı tekseredi hám 3 jumıs kúninde arza beriwshini turmıslıq gaz ballonı menen támiyinlew máselesi ornına shıǵıp úyreniledi. Úyreniw juwmaqları boyınsha akt rásmiylestiriledi.
Aktte keltirilgen juwmaq unamlı bolǵanda, arza beriwshi menen "Turmıslıq gaz ballondı waqtınsha paydalanıwǵa beriw haqqında"ǵı hám "Suyıltırılǵan uglevodorod gazın jetkerip beriw haqqında"ǵı shártnamalar 2 nusqada rásmiylestiriledi. Rásmiylestirilgen shártnamalar tiykarında arza beriwshini "Face ID" sisteması arqalı suyılttırılǵan uglevodorod gazdi jetkerip beriw ushın tiyisli esapbeti menen támiyinleydi hám oǵan bir dana turmıslıq gaz ballonın on jumıs kúni ishinde biypul jetkerip beredi.
Mámleketlik xızmetti kórsetiwden bas tartıw ushın tómendegiler tiykar boladı:
- turmıslıq gaz ballonın alıw ushın arza beriwshi tárepinen sorawnama maǵlıwmatları tolıq toltırılmastan usınılǵanda;
- arza beriwshi tárepinen berilgen sorawnamadaǵı maǵlıwmatlar tastıyıqlanbaǵanda;
- arza beriwshiniń shańaraǵına turmıslıq gaz ballonı berilip, ol tárepinen qosımsha turmıslıq gaz ballonı soralǵanda;
- turmıslıq gaz ballonınan paydalanıw ushın gaz plitası bolmaǵanda yamasa asxana texnikalıq talaplarǵa muwapıq bolmaǵanda.
Bir turaq jayda eki hám onnan artıq shańaraq jasaytuǵın jaǵdaylarda, eger turaq jayda texnikalıq talaplarǵa sáykes bolǵan óz aldına (yamasa ulıwma) gaz plitası hám asxana bar bolǵan jaǵdayda da, bir kadastr nomerine iye bolǵan jaǵdayda da, burınǵısınan basqasha tárizde, hár bir shańaraqqa óz aldına birewden turmıslıq gaz ballon ajıratılıwına orınlarda ótkeriletuǵın úyreniw aktin rásmiylestiriw arqalı ruxsat beriledi.
Taxtakópir rayonı ádillik bólimi
Mámleketlik xızmetler orayı bólim baslıǵı M.Allambergenov