Янгиликлар
15
PHAJ xızmetlerinen onlayn paydalanıw múmkinliginen xabarıńız bar ma?
PHAJ xızmetlerinen onlayn paydalanıw múmkinliginen xabarıńız bar ma?
Búgingi kúnde zamanagóy texnologiyalar arqalı kóplegen mámleketlik xızmetlerden onlayn túrde paydalanıw múmkinligi jaratılmaqta. Solardıń biri — PHAJ (Puqaralıq hal aktlerin jazıw) xızmetleri. Onlayn xızmetler adamlarǵa waqtın únemlewge, artıqsha qatnawlardı kemeytiwge hám qolaylıqtı arttırıwǵa járdem beredi.
PHAJ onlayn xızmetleri degen ne?
PHAJ onlayn xızmetleri — bul tuwılıw, neke, ajırasıw, ólim sıyaqlı puqaralıq hal aktlerine baylanıslı rásmiy hújjetlerdi internet arqalı rásmiylestiriw múmkinligi. Bul xızmetler arnawlı elektron platformalar arqalı ámelge asırıladı.
Onlayn túrde alıwǵa bolatuǵın xızmetler:
• Tuwılıw guwalıǵın rásmiylestiriw
• Neke diziminen ótiw ushın arza jiberiw
• Ajırasıw boyınsha maǵlıwmat alıw
• Ólim guwalıǵın alıw ushın múrájat etiw
• Qayta guwalıq alıw ushın onlayn arza tapsırıw
• Arxiv maǵlıwmatların soraw
Onlayn xızmetlerdiń artıqshılıqları, onda waqıt únemlenedi, puqaralar mekemege barmastan-aq úyinde otırıp arza jiberiwi múmkin, qolaylı hám tez, telefon yamasa kompyuter arqalı internetten paydalanıp, kerekli hújjetlerdi tez rásmiylestiriw múmkin, náwbet kútiw joq, yaǵnıy onlayn sistemada kóp waqt nawbette turıwdıń qájeti bolmaydı, maǵlıwmatlar qáwipsiz saqlanadı, elektron baza arqalı hújjetler qáwipsiz túrde saqlanadı hám joǵalıp ketiw qáwpi azayadı.
Onlayn xızmetten paydalanıw tártibi:
1. Arnawlı elektron portalǵa kiriw
2. Jeke kabinet ashıw
3. Kerekli xızmetti tańlaw
4. Elektron arzanı toltırıw
5. Kerekli hújjetlerdi júklew
6. Arza jaǵdayın onlayn qadaǵalaw
PHAJ xızmetlerinen onlayn paydalanıw — zaman talabına say qolaylı sheshimlerdiń biri. Bul adamlarǵa tez, ańsat hám sapalı xızmet alıw múmkinligin beredi.
Qaraózek rayonı PHAJ bólimi birinshi
dárejeli inspektorı Elmira Sultamuratova