Янгиликлар
15
Hámiledarlıq hám tuwıw dem alısın beriw tártibinen xabarıńız barma?
Hámiledarlıq hám tuwıw dem alısın beriw tártibinen xabarıńız barma?
Ózbekıstan Respublikası Ádillik ministirligi tárepinen 2015-jıl 17-aprelda 2667-san menen mámleketlik dizimge alınǵan Miynetke jaramsızlıq betlerin berıw tártibi haqqındaǵı nızam talaplarına muwapıq hámiledar hám bala tuwǵan hayallarǵa arnawlı dem alıs – hámiledarlıq hám tuwıw dem alısı beriliwi hayal salamatlıǵın,perzentiniń yaǵniy tuwılǵan balaniń salamatlıǵı,normal ósip-rawajlanıwın táminlew máqsetinde beriledi.
Usı dem alıs mámleketimizde analıq hám balalıqti huquqiy hám social-ekanomikalıq qorǵawdıń anıq kórinisi.
Joqarıda kórsetip ótilgen nızamshılıqqa muwapıq hámiledarlıq hám tuwıw dem alısı hámiledarlıqtıń otızınshı háptesinen baslap jámi bolıp 126 kalendar kúnge (dem alıs hám bayram kúnleri qosıp esaplanadı.
Tuwıw qıyın keshken yáki eki hám onnan artıq bala tuwılǵanda kesellik beti 14 kalendar kúnge uzaytırıladı.
Hámiledarlıqtıń otız háptesi kelgenge shekem tiri bala tuwılsa 126 kalendar kunnen ibarat dem alıs beriledi.Bala óli tuwilsa yáki bala dáslepki 168 saǵat (7 kunnen kem jasap)ishinde shetnep qalsa,ol halatda 70 kalendar kunnen ibarat dem alıs beriledi.
Balanıń anası bala tuwıw paytında yáki bala tuwǵanınan keyin qaytis bolsa,bala tuwıw dem alısınıń qalǵan bólegi balanı ámelde tarbiya qılıp atırǵan shaxsqa beriledi.
Yaǵniy tuwılǵan balanı tuwıw uyinen perzentlikke alǵan shaxslarǵa bala perzentlikke alınǵan kunnen baslap ol 56 kúnlik bolǵanına shekem,eki hám onnan artıq jańa tuwılǵan bala perzentlikke alınǵan halatda bolsa bala 70 kúnlik bolǵanǵa shekemgi bolǵan dáwirge perzentlikke alǵan shaxsqa miynetke jaramsızlıq beti,onıń tiykarında bolsa ortasha is haqqı saqlanǵanı halda tuwıw dem alısı beriledi.
Hámiledarlıq jasalma tárizde toqtatılǵan (abort qılınǵan)dáwir ushın,sonday aq bala túsiwi júz bergende hayaldıń kesellik dáwrine ulıwmalıq tiykarlarda waqtınsha miynetke jaramsızlıq beti beriledi.Yaǵnıy bunda tuwıw dem alısı berilmeydi.
Qońırat rayonı ádillik bólimi yuridik xizmet
kórsetiw orayı basyuriskonsultı B.Nuratdinov