Янгиликлар
13
Shańaraq – jámiyet tayanıshı, onı bekkemlewde PHAJ organlarınıń roli
Shańaraq – jámiyet tayanıshı, onı bekkemlewde
PHAJ organlarınıń roli
Shańaraq — insan baxtınıń tayanıshı, hár bir xalıqtıń mánawiyatı hám qádiriyatların saqlawshı muqaddes mákandır.
Ózbekstan Respublikasında shańaraq institutın rawajlandırıw hám bekkemlew mámleketlik siyasattıń eń áhmiyetli baǵdarlarından biri etip belgilengen.
Shańaraq institutın bekkemlew — bul tek qana mámleketlik emes, bálki pútkil jámiyetshiliktiń aldında turǵan eń áhmiyetli wazıypalardıń biri. PHAJ organları bul procestıń huquqıy hám sociallıq tiykarın bekkemlewde tiykarǵı rol oynaydı.
Nekeni dizimge alıwdan aldın jaslar menen alıp barılatuǵın túsindirme jumısları úlken áhmiyetke iye.
Shańaraq institutın bekkemlewdiń tiykarǵı baǵdarları:
Shańaraq mektepleri.PHAJ bólimleri janında shólkemlestirilgen "Jas shańaraq qurıwshılar mektebi" sabaqları jaslarǵa shańaraq etikasın, psixologiyasın hám huquqıy sawatlılıqtı úyretiwge xizmet etedi.
Medicina kórigi. Keleshek áwladtıń salamat bolıwı hám genetik awırıwlardıń aldın alıw maqsetinde nekeden aldınǵı medicina kórigi májburiy esaplanadi.
Erli-zayıplılardıń huquqıy qorǵalıwı. Nekenin PHAJ organlarında nızamlı dizimge alınıwı — bul shańaraq aǵzalarınıń huquqıy tayanıshı. Neke shártnaması. Múlikshilik munasabetlerde túsinbewshiliklerdiń aldın alıw ushın neke shártnamasın dúziw mádeniyatın qáliplestiriw.
Perzentler huquqı.Tuwılǵanlıqtı óz waqtında dizimge alıw balanıń keleshektegi barlıq sociallıq hám huquqıy jeńilliklerden paydalanıwın támiyinleydi.Shańaraqlıq ajırasıwlardıń aldın alıw. Ajırasıw — bul tek qana eki insannıń ketiwi emes, bálki jámiyet ushın úlken sociallıq másele.
Jarastırıw komissiyaları. PHAJ bólimleri máhálle belsendileri hám psixologlar menen birgelikte ajırasıw mánzilindegi shańaraqlardı saqlap qalıw boyınsha turaqlı túsindirme jumısların alıp baradı.
Mediaciya: Dáwir talabına say, shańaraqlıq kelispewshiliklerdi sudqa shekem sheshiwdiń zamanagóy usılların qollanıw.
Máhálle hám PHAJ birge islesiwi. Shańaraqlardıń bekkemligi "Shańaraq — máhálle — PHAJ" tiykarında qurıladı. Bizniń maqsetimiz — hár bir jańa qurılǵan shańaraqtıń tek qana qaǵazda emes, bálki mánawiyat hám isenim jaǵınan da bekkem bolıwına kómeklesiw.
Bekkem shańaraq — tınısh hám abat eldiń tayanıshı.
Taxtakópir rayonı ádillik bólimi PHAJ bólimi
1-dárejeli inspektorı S.Baxtiberlieva