Янгиликлар
12
Orındaslıq tiykarında isleytuǵın shaxslarǵa jıllıq miynet dem alısın beriw tártibi
Orındaslıq tiykarında isleytuǵın shaxslarǵa jıllıq miynet dem alısın beriw tártibi
Òzbekstan Respublikası Miynet kodeksi 439-statyasına hàm Ministrler Kabinetiniń 2012-jıl 18-oktyabrdegi 297-sanlı qararı menen tastıyıqlanǵan "Orındaslıq tiykarda hám de birneshe kásip hám lawazımda islew tártibi haqqında"ǵı rejege tiykarlanıp jumıs beriwshi tárepinen orındaslıq tiykarda islewshi xızmetkerlerge hár jıllıq tiykarǵı, sonday-aq, orındaslıq miynet dem alısları tiykarǵı jumıs ornındaǵı hár jıllıq miynet dem alısı menen bir waqıtta beriledi.
Orındaslıq tiykarında islew degende xızmetkerdiń óziniń tiykarǵı jumısın (funkcional wazıypasın) orınlawdan tısqarı tiykarǵı jumısınan bos waqıtında miynet shártnaması tiykarında basqa haqı tólenetuǵın jumıstı orınlawı túsiniledi
Sonı umıtpaw kerek, eger orındaslıq tiykarında islewdiń birinshi jumıs jılında xızmetker 6 aydan kem islegen bolsa, ol jaǵdayda orındaslıq tiykarındaǵı jumısta dem alıs ushın islengen waqıtqa proporcional haqı tólenedi.
Yaǵnıy birinshi jumıs jılında 6 ay islegen orındaslardıń miynet dem alısına, sonday-aq jumıstıń keyingi jılları ushın miynet dem alısına orındaslıq tiykarındaǵı jumıstıń ortasha miynet haqısınan kelip shıqqan halda ádettegi tártipte haqı tólenedi.
Birinshi jumıs jılında altı ay islegen orındaslardıń jıllıq miynet dem alısına, sonday-aq jumıstıń keyingi jılları ushın jıllıq miynet dem alısına orındaslıq tiykarında jumıstıń ortasha miynet haqısınan kelip shıqqan halda ádettegi tártipte haqı tólenedi.
Tiykarǵı jumıs ornı boyınsha jıllıq miynet dem alısınıń dawamlılıǵı orındaslıq tiykarındaǵı jumıstaǵı miynet dem alısınıń dawamlılıǵınan kóp bolǵan jaǵdaylarda, jumıs beriwshi orındastıń ótinishi boyınsha oǵan orındaslıq tiykarındaǵı jumıstaǵı jıllıq miynet dem alısınan tısqarı tiykarǵı jumıstaǵı jıllıq miynet dem alısı hám orındaslıq tiykarındaǵı jumıstıń jıllıq miynet dem alısı dawamlılıǵı arasındaǵı ayırmashılıqtı qurawshı kúnlerge is haqısı saqlanbaǵan dem alıs beriwi shárt.
Bozataw rayonı àdillik bòlimi
YXKO basyuriskonsultı N.R.Mamutova