Янгиликлар
12
Ózin-ózi bánt etken shaxslardı dizimge alıw tártibi
Ózin-ózi bánt etken shaxslardı dizimge alıw tártibi
Ózin-ózi bánt etken shaxs - bul jallanba jumisshi bolmagan, óz miyneti menen ģárezsiz túrde dáramat tabıwshı shaxs esaplanadı. Máselen, tigiwshi, shashtárez, usta, onlayn xızmet kórsetiwshi hám basqa da kóplegen kásip iyeleri usılardıń qatarına kiredi.
Bunday jumıstı nızamlı alıp barıw ushın shaxs ózin-ózi bánt etken sıpatında dizimnen ótiwi kerek. Bul júdá ápiwayı hám biypul ámelge asırıladı. Dizimnen ótiw ushın Salıq qosımshası arqalı yamasa my.gov.uz portalı arqalı arza tapsırıladı. Onda arza beriwshi tek ǵana óziniń jumıs túrin tańlaydı hám JSHSHIR (identifikaciya nomeri) tiykarında sistemaǵa kirgiziledi.
Dizimnen ótken shaxs jılına bir márte sociallıq salıq tóleydi. Házirgi waqıtta bul tólem muǵdarı bazalıq esaplaw muǵdarınıń 1 esesi etip belgilengen.
Bul tólem esabınan ózin-ózi bánt etken shaxs:
• Miynet stajına iye boladı;
• Rásmiy xizmet júrgizgeni boyinsha ayırım túrdegi kreditler aliw imkaniyatına da iye boladı;
Ózin-ózi bánt etiw - bul tek ǵana dáramat tabıwdıń nızamlı jolı emes, al jaratılǵan qolaylıqlardan paydalanıp, puqaralar óz jumısın baslawı hám onı nızamlı tiykarda alıp barıwı múmkin. Bul tek ǵana jeke mápler emes, al jámiyettiń rawajlanıwı ushın da áhmiyetli esaplanadı.
Bozataw rayonı Ádillik bóliminiń
Mámleketlik xızmetler orayı bas qánigesi I.Ametov