Bog'lanish

Telefon
(+998 55) 101-10-08

Elektron manzil
qoraqalpoq@adliya.uz

Habar yuborish
Ishonch telefoni 1008

Янгиликлар

26

Одам савдоси - глобал муаммо

Қорақалпоғистон Республикаси Адлия вазирлиги томонидан Республика педагог кадрларни қайта тайёрлаш ва малакасини ошириш институти”да “Одам савдосига қарши курашишнинг ҳуқуқий асослари ҳамда ўзаро ҳамкорлик масалалари” мавзусида ўқув семинари ўтказилди.

DSC02083.JPG

Ушбу ўқув семинарда Қорақалпоғистон Республикаси Вазирлар Кенгаши маъсул ходимлари ва мазкур институт раҳбарияти, шунингдек, умумтаълим мактаблари ўқитувчи ва ўқувчилари, оммавий ахборот воситалари ходимлари иштирок этишди.

Семинар давомида иштирокчиларга одам савдосига қарши курашиш, унинг олдини олишга қаратилган қонунчиликни тарғибот қилишда аввало бу борадаги Ўзбекистон Республикаси томонидан ратификация қилинган ҳалқаро ҳуқуқий ҳужжатларга тўхталиб ўтилди. Хусусан, 2000 йил 15 ноябрда БМТнинг трансмиллий уюшган жиноятчиликка қарши Конвенцияси кабул килинганлиги,ҳамда мазкур конвенцияни тўлдирувчи одам савдосининг, айниқса аёллар ва болалар савдосининг олдини олиш ҳамда унга чек қўйиш ва унинг учун жазолаш ҳақидаги Протоколи ҳақида ҳам сўз юритилди.

DSC02083.JPGШунингдек, тадбирда Ўзбекистон Республикасининг Конституциясига тўхталиб,унинг 13-моддасида Ўзбекистон Республикасида демократия умуминсоний принципларга асосланиши, уларга кўра инсон, унинг ҳаёти, эркинлиги, шаъни, қадр-қиммати ва бошқа дахлсиз ҳуқуқлари олий қадрият ҳисобланиши белгиланганлигини, 26-моддасида эса ҳеч ким қийноққа солиниши, зўравонликка, шафқатсиз ёки инсон қадр-қимматини камситувчи бошқа тарздаги тазйиққа дучор этилиши мумкин эмаслиги белгилаб қўйилганлиги таъкидлаб ўтилди.

Юқорида кўрсатиб ўтилган халқаро ҳуқуқ нормаларини тан олган ҳолда ва Конституциямизда белгиланган инсон ҳуқуқлари ва эркинлигини таъминланишининг механизмини белгилаш ва такомиллаштириб бориш мақсадида, 2008 йил 17 апрелда “Одам савдосига қарши курашиш тўғрисида”ги Ўзбекистон Республикасининг Қонуни қабул қилганлиги ва ушбу қонунда “одам савдоси” ва “одамлардан фойдаланиш” тушунчалари белгиланганлиги, одам савдосига қарши курашиш тизими, ваколатли органлар ва уларнинг вазифалари, шунингдек, одам савдоси қурбонларининг ҳимояси ва ижтимоий ҳуқуқий реабилитацияси масалаларига алоҳида тўхталиб ўтилганлиги иштирокчилар эътиборига етказилди.

Семинар давомида Қорақалпоғистон Адлия вазирлиги томонидан одам савдосига оид сўровнома ўтказилди ва иштирокчилар ўзларини қизиқтирган саволларига тўлиқ жавоблар олишди.