Янгиликлар
13
Kredit pitimin dúziwge tıyım salıw yamasa tıyımdı alıp taslaw xızmetı
Sońǵı jılları puqaralardıń atınan olardıń razılıǵısız kredit rásmiylestiriw jaǵdaylarınıń aldın alıw áhmietli máselege aylandı. Usı maqsette Ózbekstan Respublikasında puqara óz atına kredit kelisimin dúziwdi sheklew yamasa bul qadaǵan etiwdi biykarlaw imkaniyatına iye bolǵan mexanizm engizildi. Bul sistema puqaralardıń finanslıq qáwipsizligin támiyinlewge xızmet etedi.
Kredit pitimin dúziwge tıyım qoyıw - bul fizikalıq shaxstıń óz atına kredit shártnaması dúziliwin waqtınsha sheklew imkaniyatın beredi. Puqara bunday qadaǵan etiwdi qoyıw arqalı bankler hám basqa da kredit shólkemleri tárepinen onıń atına kredit ajıratılıwınıń aldın aladı. Bul xızmet Ózbekstan Respublikası Ministrler Kabinetiniń 2025-jıl 20-avgusttaǵı 522-sanlı qararı tiykarında kórsetiledi. Qadaǵan qoyıw yamasa onı alıp taslaw ushın puqaralar 3 usılda, Birden-bir interaktiv mámleketlik xızmetler portalı, mámleketlik xızmetler orayları yamasa kredit byuroları arqalı xızmetten paydalanıwı múmkin. Xızmetten paydalanılǵanda, puqara maǵlıwmatları kredit pitimi dúziw qadaǵan etilgen shaxslar reestrine kirgiziledi. Bankler hám basqa kredit shólkemleri kredit ajıratıwdan aldın usı reestrdi tekseredi. Eger shaxs reestrde bar bolsa, oǵan kredit beriw qadaǵan etiledi. Puqara qálegen waqıtta jáne usı xızmet arqalı bul qadaǵan etiwdi biykarlawı múmkin. Qadaǵan alıp taslanǵannan soń ol kredit shártnamaların dúziw huqıqına ie boladı.
Kredit pitimin dúziwge tıyım salıw sisteması puqaralardı finanslıq aldawshılıqtan qorǵaydı hám olardıń jeke maǵlıwmatlarınan nızamsız paydalanıwdıń aldın aladı. Bul mexanizm bank-finans sistemasında ashıq-aydınlıqtı arttırıw hám puqaralardıń huqıqların qorǵawda ayrıqsha áhmietke ie bolıp esaplanadı.
Shımbay rayonı ádillik bólimi
MXO bas qánigesi R.Nurullaeva