Янгиликлар
31
Sanlı texnologiyalardıń áhmiyeti
Sanlı texnologiyalardıń áhmiyeti
Búgingi kúnde mámleketimizdegi hárbir tarawda sanlastırıw processi kún sayın artıp barmaqta. Bul ózgerislerdiń túp-tiykarında xalıqtıń eń áhmiyetli hújjetlerin dizimge alıwshı PHAJ uyımları turıwı tabiyiy. Burınları ZAGS dese, kóz aldımızǵa qalıń arxiv kitapları hám uzın-shubay náwbetler keletuǵın bolsa, búgin bul túsinik túp-tiykarınan ózgerdi. Quwanarlısı, PHAJ xızmetkerleriniń jumısındaǵı eń úlken jańalıq – bul mámleketlik xızmetlerdiń integraciyalasıwı boldı. Demek, solay eken, endigiden bılay, náreste tuwılǵanda ata-ananıń bir neshe mákemege barıp sarsan bolıwına hesh qanday qájet joq. Sebebi, tuwılıwdı dizimge alıwdan súyinshi pulın alıwǵa shekem bolǵan barlıq jumıslar birden-bir elektron sistema arqalı ámelge asırılmaqta. Jánede sońǵı texnologiyalardıń paydalı tárepleri haqqında ayta ketetuǵın bolsaq, birinshiden elektron arxiv, bul millionlaǵan qaǵaz hújjetler sanlı formatqa ótkerildi. Bul jumıstıń ádewir jeńillenip, izlegen maǵlıwmatlardı sekundlar ishinde tabıw hám qátelerdiń aldın alıw imkaniyatın beredi. Al, endi QR-kod texnologiyası bolsa, gúwalıqlardaǵı QR-kodlar hújjettiń haqıyqıylıǵın tastıyıqlaw menen birge, burınǵıday kótere qaǵazpazlıqtı keskin qısqarttı. Sonday-aq, kompazit xızmetler bolsa bir múrájaat penen bala tuwılıwına baylanıslı 4-5 túrli mámleketlik xızmetti (baqshaǵa náwbet,jasaw jayı boyınsha dizimge alıw h.t.b) birden sheshiw jolǵa qoyıldı.
Endi eń tiykarǵısı, búgingi PHAJ xızmetkeri tek ǵana dizimge alıwshı emes, zamanagóy texnologiyalardı jetik meńgergen IT-operator hám xalıq penen tıǵız islesetuǵın psixologta bolıwı talap etiledi. Sanlı sistemalardıń engiziliwi xızmetkerlerdiń artıqsha jumısın jeńilletip, puqaralar menen islesiwge kóbirek waqıt ajıratıwǵa sharayat jarattı.
Moynaq rayonı Ádillik bólimi
PHAJ bólimi I-dárejeli inspektorı A.Kuralbaeva