Янгиликлар
31
Nızamshılıqtaǵı jańalıqlar
Ózbekstan Respublikası Ministrler Kabinetiniń 16.04.2024-jıldaǵı 204-sanlı Janılǵı-energetika tarawında bazar mexanizmlerin engiziwdiń qosımsha ilajları haqqındaǵı qararına tiykar Tábiyǵıy gaz hám elektr energiyası tutınıwı ushın bazalıq norma sheńberindegi hám bazalıq normadan asqan bahalar arasındaǵı ayırmashılıqtı kompensaciyalaw ushın Arza beriwshi hár aydıń 16-sanına shekem wákillikli uyımǵa tómendegi formalarda múrájat etedi. Tikkeley mámleketlik xızmetler orayı yamasa wákillikli uyımǵa barǵan halda yamasa shańaraq jasaytuǵın máhállege biriktirilgen sociallıq xızmetker arqalı "Birden-bir milliy sociallıq qorǵaw" málimleme sisteması (keyingi orınlarda "BMSh" AJ) yamasa Birden-bir interaktiv mámleketlik xızmetler portalı (keyingi orınlarda BIMXP) arqalı erkin túrde. Arza beriwshiniń shańaraǵı (keyingi orınlarda - shańaraq) Reestrge kirgizilgeni haqqındaǵı maǵlıwmatlar "JMBX" AT arqalı, shańaraqtıń elektr energiyası hám (yamasa) tábiyǵıy gazden paydalanıwı haqqındaǵı maǵlıwmatlar - "Aymaqlıq elektr tarmaqları" AJ hám (yamasa) "Aymaqgaztámiynat" AJnıń tiyisli málimleme sistemalarınan uyımlararalıq elektron birge islesiw arqalı.
Tómendegi jaǵdaylarda kompensaciya tayınlawdan bas tartıladı: shańaraqtıń jan basına dáramatı eń kem tutınıw qárejetleriniń 1,5 esesinen joqarı ekeni anıqlanǵanda, arza beriwshi yamasa onıń shańaraq aǵzalarınıń múlkinde yamasa paydalanıwında jámi birden aslam kóshpes múlk hám jer uchastkası yamasa bir hám onnan artıq turaq jay emes orınları bar bolǵanda, arza beriwshi yamasa onıń shańaraq aǵzalarında nızamshılıq hújjetlerinde belgilengen tártipte óz atına rásmiylestirilgen yamasa paydalanıwda bolǵan yamasa isenimnamaǵa tiykar tómendegiler bar bolǵanda, islep shıǵarılǵan múddeti 12 jıldan (shańaraq aǵzası I yamasa II topar hám 18 jasqa shekemgi balalıqtan mayıp bolsa, 7 jıl) aspaǵan, texnikalıq jaǵdayı saz bolǵan jeńil avtotransport quralı, islep shıǵarılǵan múddeti 15 jıldan aspaǵan, texnikalıq jaǵdayı saz bolǵan júk tasıwshı avtotransport quralı, avtobus, mikroavtobus, ekskavator, traktor, kombayn, júk tasıwshı avtotransport qurallarınıń tirkemeleri hám yarım tirkemeleri, avtokran hám basqa da qurılıs texnikası, jámi eki hám onnan artıq, texnikalıq jaǵdayı saz bolǵan jeńil hám júk tasıwshı avtotransport quralları, mikroavtobus, ekskavator, traktor, kombayn, júk tasıwshı avtotransport qurallarınıń tirkemeleri hám yarım tirkemeleri, avtokran hám basqa da qurılıs texnikası. Ísıtıw máwsimi ushın tábiyǵıy gazge kompensaciya muǵdarın esaplawda máwsimniń baslanıwı yamasa tamamlanıwı belgilengen sánedegi ay ısıtıw máwsimi ayı sıpatında esapqa alınadı.
Ózbekstan Respublikası Prezidenti janındaǵı Sociallıq qorǵaw milliy agentligi (keyingi orınlarda - Agentlik) "Birden-bir reestr" AT arqalı qáliplestirilgen kompensaciya alıwshı shańaraqlar boyınsha tólemlerdiń dizimlerin sorawnama toltırılǵan aydan keyingi aydıń 5-sanına shekem AK "Xalıq banki"ne jiberedi. Ekonomika hám qarjı ministrligi menen birgelikte kompensaciya alıwshı shańaraqlarǵa kompensaciya tólemin tólep beriw ushın zárúr qarjılardı hár aydıń 5-25-sanına shekem AK "Xalıq banki"ne ótkerip beredi. AK "Xalıq banki" kompensaciya tólemin arza berilgen aydan keyingi aydıń 27-sánesine shekem kompensaciya alıwshınıń sociallıq kartası yamasa bank kartasına tólep beredi. Kompensaciya alıwshınıń atında sociallıq karta hám bank kartası bolmaǵanda, AK "Xalıq banki"nde onıń shańaraq aǵzalarınıń atına ashılǵan sociallıq karta yamasa bank kartasına tólep beriliwi múmkin.
Nókis qalası ádillik bólimi
Mámleketlik xızmetler orayı
jetekshi qánigesi R.Dawletova