Янгиликлар
30
"Biznesti 15 minutta baslaw" principinen xabardarsız ba?
Ózbekstan Respublikası Prezidentiniń 2025-jıl 14-noyabrdegı “Biznes júritiwdi hámde litsenziyalaw hám ruxsat beriw tártip qaǵıydaların ápiwayılastırıwǵa baylanıslı náwbettegi is-ilájlar haqqında”ǵı PF-214-sanlı Parmanı qabıl etilgenligin, bunda isbilermenlerdiń hákimshilik qárejetlerin qısqartırıw, sonıń menen birge mámleketlik uyımlar menen ózara birge islesiw prosesinde waqıttı tejew tiykarǵı maqset etip belgilengen.
2026-jıl 1-yanvardan baslap «Biznesti 15 minutta baslaw» printsipi tiykarında isbilermenlik subektlerin mámleketlik dizimnen otkeriwde bir waqıttıń ózinde tómendegi xızmetlerdi kórsetiw tártibi engizildi:
– ESI qol tańbaların beriw;
– bank esap betlerin ashıw hám onı paydalanıw;
– litsenziya, ruxsatnama alıw yaki xabarnama jiberiw;
– kóshpes múlk ijara shartnomasın rásmiylestiriw;
– qosılǵan qıymat salıǵı guwalıǵın alıw;
– onlayn nazorat-kassa mashinaların alıw hám dizimnen ótkeriw;
– yuridik shaxs baslıqların tayınlaw hám onı málimleme sistemada esapqa qoyıw.
“Biznesti 15-minutta baslaw” principi sheńberinde tómendegiler belgilendi:
(a) hár bir xızmet isbilermenlik subektiniń tańlawı tiykarında ıqtıyarıy túrde kórsetiledi;
(b) tańlanǵan xızmetler boyınsha birden-bir QR kod arqalı tólem ámelge asırıw múmkinshiligi jaratıladı.
2026-jıl 1-yanvardan baslap:
(a) jeke tártiptegi isbilermenlerge firmalıq atına iye bolıwǵa ruxsat beriledi;
(b) isbilermenlik subektleriniń birlemshi maǵlıwmatları (atı, familyası, ákesiniń atı, firma atı, mánzili, shólkemlestiriw huqıqıy forması h.t.b.) ózgergende bul maǵlıwmatlar boyınsha ózgertiriwler jeke tártiptegi isbilermen guwalıǵına, licenziya, ruxsatnama hám xabarnamalarǵa avtomatik tárizde mekemeler aralıq elektron birge islesiw jolı menen biypul kiritiledi. Bunda:
(I) jeke tártiptegi isbilermenniń atı, familyası hám ákesiniń atı ózgergenligi haqqındaǵı maǵlıwmatlar - ishki isler ministrliginiń "ID-karta" avtomatlastırılǵan málimleme sistemasınan;
(II) basqa maǵlıwmatlar-isbilermenlik subektlerin mámleketlik dizimnen ótkeriw hám esapqa qoyıwdıń avtomatlastırılǵan sistemasınan ornatılǵan tártipte real waqıt rejiminde "Litsenziya" málimleme sistemasına usınıladı.
Shımbay rayonı ádillik bólimi
Mámleketlik xızmetler orayı bólim baslıǵı B.A.Bekniyazov