Янгиликлар
30
Yuridikalıq shaxs statusına iye bolmaǵan kásiplik awqamlarınıń bólimlerin hám baslanǵısh kásiplik awqamları shólkemlerin esapqa qoyıwda qanday hújjetler talap etiledi?
Ózbekstan Respublikası Ministrler Kabinetiniń 2025-jıl 10-fevraldaǵı “Yuridikalıq shaxs statusına ie bolmaǵan kásiplik awqamlarınıń bólimlerin hám baslanǵısh kásiplik awqamları shólkemlerin esapqa qoyıw tártibi haqqındaǵı rejeni tastıyıqlaw haqqında” 72-sanlı qararına tiykar, yuridikalıq shaxs statusına ie bolmaǵan kásiplik awqamlarınıń bólimleri hám baslanǵısh kásiplik awqamları shólkemleri Mámleketlik xızmetler orayları, Mámleketlik emes kommerciyalıq emes shólkemlerdiń elektron platáforması hám Ózbekstan Respublikası birden-bir interaktiv mámleketlik xızmetler arqalı esapqa qoyıladı.
Belgilengen tártipte shólkemlestirilgen bólimsheni yamasa baslanǵısh shólkemdi esapqa qoyıw haqqında qarar qabıl etilgen kúnnen baslap bir ay múddette arza beriwshi bólimsheni yamasa baslanǵısh shólkemdi esapqa qoyıw ushın dizimnen ótkeriwshi uyımǵa Mámleketlik xızmetler orayları yamasa Platforma yamasa birden-bir interaktiv mámleketlik xızmetler arqalı múrájat etedi hámde tómendegi hújjetler qosımsha etiledi:
bólimsheni esapqa qoyıw ushın:
- bólimsheni dúziw, shólkemlestiriw, jumısın toqtatıw tártibi, sonday-aq, olardıń huqıqları hám minnetlemeleri názerde tutılǵan tiyisli kásiplik awqamınıń ustavınıń nusqası yamasa tiyisli kásiplik awqamınıń ustavına muwapıq islep shıǵılǵan mámleketlik tildegi bólimshe haqqındaǵı reje;
tiyisli kásiplik awqamınıń ustavında belgilengen wákillikli basshı organnıń bólimsheni shólkemlestiriw haqqındaǵı protokolı (qararı). Bunda bólimsheniń basshı uyımları haqqındaǵı maǵlıwmatlar da kórsetiledi;
tiyisli kásiplik awqamınıń oraylıq basqarıw uyımı tárepinen bólim baslıǵına berilgen isenim xatınıń nusqası;
baslanǵısh shólkemdi esapqa qoyıw ushın:
tiyisli kásiplik awqamınıń ustavına muwapıq islep shıǵılıp, tastıyıqlanǵan mámleketlik tildegi baslanǵısh shólkem haqqındaǵı reje;
tiyisli kásiplik awqamı aǵzalarınıń baslanǵısh shólkemdi shólkemlestiriw haqqındaǵı bayanlaması yamasa qararı (bunda baslanǵısh shólkemniń basshı uyımları haqqındaǵı maǵlıwmatlar da kórsetiledi).
Qaraqalpaqstan Respublikası
Ádillik ministrliginiń sektor baslıǵı A.Otarbayev