Янгиликлар
25
Erte turmıs qurıw jaǵdaylarınıń aldı alınadı
"Hayal-qızlar hám balalar huqıqlarınıń qorǵalıwın kúsheytiw xam de olarǵa kúsh kórsetiw hám zorlıq jaǵdaylarınıń aldın alıw boyınsha qosımsha shólkemlestiriwshilik-huqıqıy ilajlar haqqında"ǵı Prezident Pármanı (PP-33-sanlı, 03.03.2026-j.) qabıl etildi.
Usı Pármannıń tiykarǵı maqsetleri etip tómendegiler belgilendi, atap aytqanda:
neke jasına jetpegen shaxs penen haqıyqattan da neke qatnasıqlarına kiriw jaǵdaylarınıń aldın alıwǵa erisiw;
finanslıq erkinlikke erisken hám shańaraq qurıwǵa hár tárepleme tayar bolǵan jaslar arasında neke dúziwdi xoshametlew;
hayal-qızlar hám balalarǵa kúsh kórsetiw hám zorlıq jaǵdaylarınıń aldın alıw sistemasın jetilistiriw arqalı olardıń sanın keskin qısqartıw.
Pármanǵa bola, neke jasın azaytıwdıń anıq (tolıq) tiykarların belgilew haqqındaǵı usınıs maqullandı.
2027-jıldan hár eki tárep keminde 21 jasqa tolǵanda 1-márte nekelesken jas shańaraqlar ushın:
mámleket tárepinen qosımsha jeńillik hám basqa túrdegi qollap-quwatlaw ilajları usınıladı;
bul shańaraqlar Sociallıq reestrge kirgizilgende, shańaraqlardıń aǵzalarına beriletuǵın finanslıq járdemler (subsidiya, ssuda, grantlar) nızamshılıqta belgilengen muǵdarlardan 1,5 esege arttırılǵan halda beriledi;
neke shártnamasın dúzgen nekeleniwshiler nekeni dizimge alıw ushın belgilengen mámleketlik bajıdan azat etiledi.
Nókis qalası ádillik bólimi
PHAJ bólimi inspektori D.Nawrizbayeva