Янгиликлар
25
Puqaralıq halatı aktlerin dizimge alıwdıń HUQÍQÍY áhmiyeti
Puqaralıq halatı aktlerin dizimge alıwdıń HUQÍQÍY áhmiyeti
Ózbekstan Respublikası Ministrler Kabinetiniń 2023-jıl 20-oktyabr kúngi 550-sanlı qararı menen tastıyıqlanǵan "Puqaralıq halatı aktlerin dizimge alıw" Qaǵıydalarınıń 2-bap. Puqaralıq halatı aktlerin dizimge alıwdıń huqiqiy áhmiyeti.
13.banti Nızam puqaralardıń jeke hám múlklik huqıqların qorǵawdı jáne mámleket hám jámiet máplerin esapqa alǵan halda, puqaralar turmısındaǵı áhmietli waqıyalar - tuwılıw, neke dúziw, ólim hám insannıń áhmietli subektiv huqıqları menen minnetlemeleriniń júzege keliwi, ózgeriwi hám toqtatılıwına sebep bolatuǵın basqa da jaǵdaylardıń wákillikli uyımlarda dizimge alınıwın belgileydi.
Puqaralıq halatın dizimge alıw puqaralardıń huqıq hám minnetleri payda bolıwına sebep bolıp xızmet etiwshi hújjet (gerbli gúwalıq) beriw ushın tiykar boladı. Puqaralıq halatı aktlerin dizimge alıwdıń áhmiyeti sonnan ibarat, oǵan tiykarlanıp PHAJ uyımı tárepinen berilgen gúwalıq hám onda kórsetilgen fakttiń durıslıǵın tastıyıqlawshı sózsiz dálil esaplanadı.
Tuwılǵanlıq haqqındaǵı gúwalıq balanıń tuwılǵanlıǵın, onıń ata-anası kim ekenin tastıyıqlaytuǵın birden-bir hújjet bolıp tabıladı.
Neke dizimge alınganlıǵı haqqındaǵı gúwalıq - bul nekeden ótken shaxslardıń erli-zayıplılıǵın tastıyıqlawshı hám olar arasında óz ara huqıq hám minnetlemelerdiń júzege kelgenligin kórsetiwshi hújjet.
Nekeden ajırasıw haqqındaǵı gúwalıq nekede bolǵan shaxslardıń nekesi tamamlanǵanlıǵın tastıyıqlawshı hújjet esaplanadı.
Ólim haqqındaǵı gúwalıq shaxstıń ólimin hám onıń huqıqıy uqıplılıǵınıń tamamlanǵanlıǵın tastıyıqlawshı hújjet esaplanadı.
14. Tuwılıw hám ólimniń óz waqtında dizimge alınıwı, tuwılǵanlıq haqqındaǵı medicinalıq maǵlıwmatnamanıń, sonday-aq perinatal ólim hám ólim haqqındaǵı medicinalıq maǵlıwmatnamanıń durıs hám anıq toltırılǵanlıǵı ushın juwapkershilik Ózbekstan Respublikası densawlıqtı saqlaw mákemelerinde rayonlıq hám qalalıq densawlıqtı saqlaw bólimleriniń basshılarına júklenedi.
Moynaq rayonı ádillik bólimi
PHAJ bólimi baslıǵı A.K.Turganbaeva