Янгиликлар
24
Patent alıw jaqınlastı
Patent alıw jaqınlastı
Hár birimiz hár kúni intellektuallıq múlk óniminen paydalanamız. Intellektuallıq múlk bul insannıń aqlıy iskerligi nátiyjesinde jaratılǵan materiallıq emes múlk esaplanıp, turmısımızdıń hár bir tarawına tereń kirip barǵan. Buǵan mısal retinde kiyip júrgen kiyimlerimizden tartıp jolda juretuǵın mashinalarımızǵa shekem, hátte kúnlik tutınıw azıq-awqatlardıń derlik barlıǵında bir neshe intellektuallıq múlk obektleri bar. Magazinge kirip qandaydur tutınıw ónimdi satıp almaqshı bolsańız birinshi atına qaraysız, sol atı tavar belgisi, qolımızdaǵı telefonmızdıń ózi bir waqıtları oylap tabıliw bolıp patent alınǵan. Insanlar hár kúni nenidur oylap tabadı, bul oylap tabılǵan ónimler turmısımızǵa jańalıq hám qolaylıqlar alıp kiredi. Al, bul jaratılıp atırǵan ideyalar hám oylap tabılıwlarıńızdı kimdur ózlestirmewi ushın ne qılıw kerek, álbette patentleb quyılıwı zárúr, sebebi nızamshılıqta jaratılǵan oylap tabılıwlar tek patent tiykarında qorǵalıwi belgilep qoyılǵan. Sonıń menen birge, alınǵan patentińizdi kommerciyalastırsańız sizge qosımsha dáramat deregi retinde xızmet etiwi múmkin.
Dúnyadaǵı materiallıq resurslar bir waqıtları tawsılıwı múmkin biraq intellektuallıq múlk tawsılmaydı, birewi eskirse jańası jaratılaberedi. Jaratılǵan intellektuallıq múlk obektlerińizge qorǵaw hújjetlerin alıwda Ózbekstan Respublikası Ádillik ministrligi janındaǵı Intellektuallıq múlk orayı mámleketlik mákemesiniń Qaraqalpaqstan filialı sizge jaqınnan járdem kórsetedi.
Filial Nókis qalalıq Mámleketlik xızmetler orayı imaratında iskerlik júrgizedi.
Ózbekstan Respublikası Ádillik ministrligi janındaǵı
Intellektuallıq múlk orayı mámleketlik mákemesiniń
Qaraqalpaqstan filialı bas másláhatshısı N. Esnazarov