Янгиликлар
19
Hákimshilik juwapkershilikke tartılıp atırǵan shaxslardıń huqıq hám minnetleri
Ózbekstan Respublikasınıń Hákimshilik juwapkershilik haqqındaǵı kodeksine tiykar hákimshilik juwapkershilikke tartılıp atırǵan shaxstıń huqıqları:
-is materialları menen tanısıw;
-túsindiriwler beriw;
-dáliller keltiriw;
- óz iltimasın bayan etiw;
- isti kórip shıǵıw waqtında advokattıń yuridik járdeminen paydalanıw;
- óz ana tilinde sózlew hám awdarmashı xızmetlerinen paydalanıw;
- is barısında shıǵarılǵan qarar ústinen shaǵım beriw.
Tómendegi sharalardı qollaw názerde tutılǵan hákimshilik islerdi kórip shıǵıwda huqıqbuzarlıq islegen shaxstıń qanasıwı shárt:
-hákimshilik qamaqqa alıw
- mal-múlkti hatlaw yaki haqı tólew shárti menen alıp qoyıw.
Eger shaxs bul halatta isti kórip shıǵıwda qatnasıwdan bas tartsa, ol jınayat isleri boyınsha sudtıń sheshimine kóre ishki isler organı tárepinen májbúriy alıp keliniwi múmkin.
Tómendegi halatlarda hákimshilik is huqıqbuzarlıq islegen shaxstıń qatnasıwısız kórip shıǵılıwı múmkin:
- shaxsqa isti kórip shıǵıw ornı hám waqtı haqqında xabar qılınǵanlıǵı haqqındaǵı maǵlıwmatlar bolǵan hám onnan isti kórip shıǵıwdı keshiktiriw haqqında hesh qanday iltimas túspegen hallarda;
- arnawlı avtomatlastırılǵan foto hám video túsiriw texnika quralları arqalı alınǵan jol háreketi qaǵıydaları buzılǵanlıǵı boyınsha járiyma salıw haqqındaǵı qarar shıǵarılǵanda.
Kegeyli rayonı ádillik bólimi
Mámleketlik xızmetler orayı
bas qánigesi T.Utegenov