Янгиликлар
19
Kóshpes múlkte jasaw ornı boyınsha dizimnen ótken shaxslar haqqındaǵı maǵlıwmatlardı ózgertiw tártibi belgilendi
Húkimet qararı menen «Ózbekstan Respublikası puqaralarınıń jasaw ornı mánzilin hámde olarǵa tiyisli kóshpes múlkte jasaw ornı boyınsha dizimnen ótken shaxslar haqqındaǵı maǵlıwmatlardı ózgertiw boyınsha mámleketlik xızmetin kórsetiw»diń hákimshilik reglamenti tastıyıqlandı.
Mámleketlik xızmeti tómendegiler boyınsha kórsetiledi:
- puqaranıń jasaw ornı mánzili haqqındaǵı nadurıs maǵlıwmattı ózgertiw boyınsha múrájatı tiykarında sistemada ózgertilgen betti beriw;
- múlk iyesiniń kóshpes múlkinde jasaw ornı boyınsha dizimnen ótken shaxslar haqqındaǵı nadurıs maǵlıwmattı ózgertiw boyınsha múrájatı tiykarında sistemada mánzil boyınsha dizimnen ótkenler haqqında ózgertilgen maǵlıwmatnama beriw.
Bunda Migraciya hám personallastırıw departamenti hám onıń aymaqlıq basqarmaları wákillikli organ esaplanadı.
Xızmetten paydalanıw ushın puqaralar wákillikli organǵa, mámleketlik xızmetler orayına jeke ózi kelip yaki Birden-bir interaktiv mámleketlik xızmetler portalı (my.gov.uz) arqalı múrájat qıladı.
Sorawnama 3 jumıs kúni ishinde kórip shıǵıladı.
Kórip shıǵıw nátiyjesi boyınsha ózgertilgen maǵlıwmat sistema arqalı QR-kod qoyǵan halda tastıyıqlanadı hám sol kúnniń ózinde arza beriwshige xabarnama jiberiledi.
Kegeyli rayonı ádillik bólimi
Mámleketlik xızmetler orayı
jetekshi qánigesi J.Tulegenova