Янгиликлар
19
Sırt elge shıǵıw biometrik pasportı endi pochta arqalı jiberiliwi múmkin
Prezident tárepinen 04.11.2024-jıldaǵı "Ózbekstan Respublikası puqarasınıń sırt elge shıǵıw biometrikalıq pasportın rásmiylestiriw hám beriw boyınsha mámleketlik xızmetlerdi kórsetiw tártibiniń jetilistiriliwi múnásibeti menen Ózbekstan Respublikası Prezidentiniń ayırım qararlarına ózgerisler hám qosımshalar kirgiziw haqqında"ǵı PQ 380-sanlı Qararǵa qol qoyıldı.
Ózgerislerge bola, sırt elge shıǵıw pasportın pochta arqalı jetkerip beriw haqqında soraw bar bolǵanda, maǵlıwmatlardı jıynaw punkti xızmetkeri hújjetti pochta xızmeti xızmetkerine tapsıradı.
Pochta xızmetkeri sırt elge shıǵıw pasportın Tashkent qalası hám wálayatlar orayında 1 jumıs kúninde, qalǵan aymaqlarda 2 jumıs kúninde sorawnamada kórsetilgen mánzilge jetkeredi, ol úyde bolmaǵan jaǵdayda hújjetti pochta bóliminde 10 kún dawamında saqlaydı. Usı múddet ishinde puqara hújjetin alıp ketpese, sırt elge shıǵıw pasportı maǵlıwmatlardı jıynaw punktine qaytarıladı. Pochta xızmeti haqısı puqara tárepinen tólenedi.
Shımbay rayonı ádillik bólimi
MXO aǵa qánigesi E.Rzaev