Янгиликлар
12
Májbúriy miynetti konstituciyalıq jaqtan qadaǵan etiw
Insan huqıqlarınıń qopal buzılıwı bolǵan májbúriy miynet mashqalası uzaq jıllardan berli dúnya jámiechiliginde qızǵın dodalanıp kelinbekte.
Jaqında Ózbekstannıń milliy nızamshılıǵındaǵı ózgerisler múnásibeti menen jańa redakciyadaǵı Konstituciyanıń 44-statyası ayrıqsha itibarǵa ılayıq. Oǵan bola, sudtıń qararı menen tayınlanǵan jazanı orınlaw tártibinen tısqarı yamasa nızamda názerde tutılǵan basqa jaǵdaylarda májbúriy miynet etiw qadaǵan etiledi. Balalar miynetiniń balanıń densawlıǵına, qáwipsizligine, ádep-ikramlılıǵına, aqılıy hám fizikalıq rawajlanıwına qáwip tuwdıratuǵın, sonıń ishinde, onıń bilim alıwına tosqınlıq etetuǵın hár qanday túrleri qadaǵan etiledi.
Ózbekstan Prezidenti BMSh Bas Assambleyasınıń 78-sessiyasında shıǵıp sóylep, májbúriy miynetti saplastırıw máselesine toqtap ótti. Keyingi jılları respublikamız bul baǵdarda insan huqıqların qorǵaw tarawında sezilerli jetiskenliklerge eristi.
Ótken ásir dawamında millionlaǵan ózbekstanlılar májbúriy paxta terimi menen shuǵıllanıwǵa májbúr boldı. Hár jılı sentyabr-dekabr aylarında elimiz xalqınıń úlken bólegi, sonıń ishinde, muǵallimler, shıpakerler, isbilermenler, jumısshılar, xızmetkerler, eń ashınarlısı, oqıwshı hám studentler paxta jıyın-terimine tartılatuǵın edi. Sonıń aqıbetinde ózbek paxtası boykot etilip, mámleket kóp jıllar xalıqaralıq shólkemlerdiń "qara dizimleri"ne kirgizildi.
Mámleketimiz basshısınıń isenimli umtılısı Ózbekstanǵa bul ámeliyatqa pútkilley shek qoyıw imkaniyatın berdi. Mámleket xalqı aqırında "paxta qullıǵı" dep atalǵan jaǵdaydan azat boldı.
Jańalanǵan Konstituciyada májbúriy miynetti qollanıw qadaǵan etilip, bul normanı buzǵanı ushın jınayıy juwapkershilik belgilendi.
Moynaq rayonı ádillik bólimi
YXKO bas yuriskonsulti A.Vasyakin