Янгиликлар
11
Mámleketlik mektepleriniń 1-klassına qabıllaw tártibi
Ózbekstan Respublikası Ministrler Kabinetiniń 2022-jıl 1-iyundaǵı 295-san qararı menen tastıyıqlanǵan hákimshilik reglamentke muwapıq, balalardı mámleket ulıwma orta bilim beriw mektepleriniń 1-klassına qabıllaw hám de oqıwshılardı bir mektepten basqasına ótkeriw tártibi belgilengen.
Usı reglamentketiykar, ata-analar perzentlerin mektepke qabıllaw yamasa basqa mektepke ótkeriw ushın arzanı Birden-bir ınteraktiv mámleketlik xizmetler portalı (my.gov.uz) yamasa Mektepke shekemgi hám mektep bilimlendiriw Ministrliginiń elektron xızmetler portalı arqalı jiberedi. Mámleketlik xızmeti elektron tárzde kórsetiledi hám onıń ushın puqaralardan hesh qanday jıyım óndirilmeydi.
Reglamentte “mikroaymaq” túsinigi de belgilengen bolıp, ol rayon yamasa qala hákimiyatı qararı menen málim bir mektepke biriktirilgen aymaq esaplanadı. Turaqlı dizimnen ótken puqaralardıń perzentleri, ádetde, sol mikroaymaqtag’i mekteplerge jaylastırıladı.
Hár jılı mektepler tárepinen 1-iyunǵa shekem 1-klasqa qabıl jobası islep shıǵıladı. Bul joba mekteptiń oqıwshılar sıyımlılıqı, aymaqtaǵı mektep jasındaǵı balalar sanı, pedagoglar menen támiyinlengenlik hám sanitariya talapların esapqa alǵan halda qáliplestiredi hám de aymaqlıq mektepke shekemgi hám mektep tálimi basqarmaları tárepinen tastıyıqlanadı.
Sonıń menen birge, reglamentke kóre balalar 7 jasqa tolıqtuǵın jılda 1-klasqa qabıl etiledi. Ornıqlı jasaw ornı boyınsha dizimnen ótpegen, bıraq waqtınsha jasap atırǵan shańaraqlardıń perzentleri bolsa 1-avgusttan keyin, mekteplerde bos orınlar ámeldegi bolsa, qabıl etiledi.
Usı tártip mámleketlik xizmetlerini qolay hám ashıq túrinde shólkemlestiriw, sonıń menen birge, mekteplerge qabıl procesin tártipke salıwǵa xızmet etedi.
Nókis qalası ádillik bólimi
Mámleketlik xizmetler orayi bas qánigesi G.Allambergenova