Янгиликлар
11
Nızamshılıqtaǵı jańalıqlar
Prezident qararına bola, 2026-jıldan baslap hár jılı jaslardıń eń jaqsı biznes hám startap joybarların anıqlaw hám xoshametlew boyınsha "Jas isbilermenler" chempionatı ótkeriledi hám onıń nátiyjeleri boyınsha tómendegiler belgilendi:
100 ge shekem biznes hám startap joybarlardıń hár birine Jaslar isbilermenligin rawajlandırıw mámleketlik maqsetli qorı hám "Jaslar ventures" venchur qorı qarjıları esabınan 1 mlrd swmǵa shekem investiciya kirgiziledi;
Jaslar isbilermenligin rawajlandırıw mámleketlik maqsetli qorına ajıratılǵan qarjılar sheńberinde startap hám biznes joybarlardı brendke aylandırıw ushın finanslıq hám marketing xızmetleri boyınsha ekspertlerdiń BEMnıń 100 esesine shekemgi muǵdardaǵı qárejetleri tólep beriledi;
Jaslar isbilermenligin rawajlandırıw mámleketlik maqsetli qorı keńesi chempionat jeńimpazların mámleketlik sıylıqlar, "Jedel isbilermen" hám "Ózbekstan belgisi" kókirek belgilerine usınıs etiw ushın wákillikli uyımlarǵa usınıslar kirgizedi.
2026-jıl 1-aprelden "Sanlı startaplar" baǵdarlamasında qatnasıwshı startap joybarlarǵa IT-park rezidenti statusı beriledi hám olarǵa nızamshılıqta belgilengen minimal eksport kórsetkishleriniń talabısız tiyisli jeńillik hám preferenciyalardan paydalanıwǵa ruqsat beriledi.
2026-jıldan baslap hár jılı "Startap ekspo" kórgizbesi ótkeriliwi jolǵa qoyıladı.
Nókis qalası ádillik bólimi
Mámleketlik xizmetler orayı
Hújjetlerdi qabıl etiw hám usınıw bólimi aǵa qánigesi N.Jalǵasbayev