Янгиликлар
10
Balalar huqıqların qorǵaw kúsheytirilmekte
Balalardı oqıtıw boyınsha minnetlemelerdi orınlawda ata-analar hám olardıń ornin basiwshi shaxslardıń juwapkershiligin kúsheytiw, sonıń menen birge balanıń tálim alıw huqıqı kepilliklerin támiyinlew maqsetinde Hákimshilik juwapkershilik haqqindaǵi kodekske hám "Bala huqıqlarınıń kepillikleri tuwrısında"ǵi Nızamǵa qosımsha hám ózgerisler kiritildi.
Atap aytqanda, Hákimshilik juwapkerlik haqqindaǵı kodekstiń 47-statyasi tómendegi mazmundaǵı úshinshi hám tórtinshi bólimler menen toldırildi:
Ata-analar yamasa olardıń ornin basiwshi shaxslar tárepinen óz balasın nızamǵa qarsı túrde diniy tálimge tartıw – bazaliq esaplaw muǵdariniń 5 esesinen 10 esesine shekemgi muǵdarda járiyma salıwǵa sebep boladı.
Hákimshilik jaza qollanılǵanınan keyin bir jıl dawamında bul huqıqbuzarlıqtı tákirar sadir etiw bazaliq esaplaw muǵdariniń 10 esesinen 15 esesine deyin muǵdarda járiyma salıwǵa yamasa 15 sutkaǵa hákimshilik qamaqqa sebep boladı.
"Bala huqıqlarınıń kepillikleri tuwrısında"ǵi Nızamnıń 23-statyasi tómendegiler menen toltırildi:
Ata-analar yamasa olardıń ornin basiwshi shaxslar óz ıqtıyarına muwapıq óz balasın diniy hám ádep ikramliliqta tárbiyalaw huqıqına iye.
Ata-analar yamasa olardıń ornin basiwshi shaxslar tárepinen óz balasın nızamǵa qarsı túrde diniy tálimge, yaǵnıy dizimnen ótpegen yamasa licenziyaǵa iye bolmaǵan shólkemlerge yamasa arnawlı diniy maǵlıwmatqa iye bolmaǵan hám diniy shólkemlerdiń orayliq basqarıw organi ruxsatisız diniy tálim beretuǵın shaxslarǵa diniy tálim alıw ushın beriwge jol qoyılmaydı.
Nókis qalası ádillik bólimi
YXKO bas yuriskonsulti Z.Bayniyazova