Янгиликлар
10
Kredit kelisimin dúziw qadaǵan etilgen shaxslar reyestrge kirgiziw hám onnan shıǵarıw tártibi
Fizikalıq shaxslardıń kredit kelisimin dúziw qadaǵan etilgen shaxslardı reyestrge kirgiziw yamasa bul dizimnen shıǵarıw mámleketlik xizmetler arqalı ámelge asıriladı. Bul xızmet puqaralarǵa óz kredit minnetlemelerin basqarıw hám finanslıq qáwipsizlikti támiyinlew imkaniyatın beredi. Puqaralar bul xızmetten paydalanıw ushın mámleketlik xizmetler oraylarına yamasa kredit byurolarına barıwi, sonıń menen birge elektron tárzde birden-bir interaktiv mámleketlik xizmetler portalı (my.gov.uz) yamasa kredit byuroları veb-saytı arqalı arza jiberiw múmkin. Xizmet kórsetiw ushın hesh qanday tólew óndirilmeydi. Arza jiberilgenen keyin, ol real waqıt rejiminde kredit byurolarına jetkiziledi. Kredit byuroları arza tiykarında shaxstı reyestrge kiritedi yamasa onnan shıǵaradı. Process tamam bolǵannan keyin, arza beriwshige QR-kod menen tastıyıqlanǵan maǵlıwmatnama beriledi. Reyestrdi júrgiziw kredit byuroları tárepinen birden-bir informaciya sisteması arqalı ámelge asıriladı. Bul sistemada arza jiberilgen sáne hám waqıt, sheklew qoyılǵan yamasa alıp taslanǵan sáne hám de tiyisli shártler kórsetiledi. Barlıq maǵlıwmatlar mámleket tilinde júritiledi hám olardıń sır saqlanıwı támiyinlenedi.
Bul sistema puqaralardıń kredit penen baylanıslı huqıqların qorǵaw, finanslıq tártipti bekkemlew hám kredit qatnasıqlarda ashıqlıqtı támiyinlewge xızmet etedi.
Nókis qalası ádillik bólimi
Mámleketlik xızmetler orayı
jetekshi qánigesi R.Berdanov