Янгиликлар
10
Sud qararina tiykar reestrge jaziw kiritiw ta’rtibi qanday?
Sud qararına tiykar reestrge kirgiziw tártibi qanday?
Ózbekstan Respublikası Puqaralıq kodeksiniń 12-statyasına tiykar mámleketlik uyımnıń yamasa puqaralardıń ózin-ózi basqarıw uyımlarınıń nızam hújjetlerine muwapıq bolmaǵan hám de puqaralardıń yamasa yuridikalıq shaxstıń puqaralıq huqıqların hám nızam menen qorǵalatuǵın máplerin buzatuǵın hújjeti sud tárepinen haqıyqıy emes dep tabılıwı múmkin.
Ministrler Kabinetiniń 2017-jıl 9-fevraldaǵı 66-sanlı qararı menen tastıyıqlanǵan Isbilermenlik subyektleriniń birden-bir mámleket reestrin júrgiziw tártibi haqqındaǵı nızamnıń 9-bántine tiykarlanıp kárxananı mámleketlik dizimnen ótkeriwdi, qayta dizimnen ótkeriwdi haqıyqıy emes dep tabıw haqqındaǵı nızamlı kúshke kirgen sud qararı bar ekenligi reestrga jazıw kirgiziw ushın tiykar bolıwı belgilengen.
Sol sebepli, sud qararın orınlaw ushın:
sud qararı menen qayta dizimnen ótkeriw haqıyqıy emes dep tabılǵan bolıwı;
bul qarar nızamlı kúshke kirgen bolıwı;
haqıyqıy emes dep tabılǵan qayta dizimnen keyin, kárxananıń shólkemlestiriw hújjetlerine kiritilgen ózgeris hám qosımshalar qayta dizimnen ótkerilmegen yamasa kárxana saplastırılmaǵan bolıwı kerek.
Sudtıń qararına tiykarlanıp mámleketlik dizimnen ótkeriw hám qayta dizimnen ótkeriw haqıyqıy emes dep tabılǵanda reestrga jazıw kirgiziw barısında mámleket bajı óndirilmeydi.
Egerde qayta dizimnen ótkeriw haqıyqıy emes dep tabılǵannan keyin de qayta dizimnen belgilengen tártipte mámleketlik dizimnen ótkerilgen bolsa yamasa kárxana reestrdan shıǵarılǵan bolsa, usı ózgerislerdiń nızamlılıq halatına sud tártibinde anıqlıq kiritiliwi kerek boladı.
Kárxana shólkemlestiriwshileri tárepinen ótkerilgen ulıwma jıynalıs qararınıń sud tárepinen haqıyqıy emes dep tabılıwı reestrga jazıw kirgiziw ushın tiykar bola almaydi.
Usı jaǵdayda, sud qararınıń orınlanıwın támiyinlew maqsetinde kárxana shólkemlestiriwshileri tárepinen ulıwma jıynalıs qararı qabıl etiliwi hám qayta dizimnen ótkeriw ushın hújjetler belgilengen tártipte kárxana jaylasqan aymaqtaǵı Mámleketlik xızmetler orayına tapsırılıwı kerek.
Nókis qalası Ádillik bólimi
Mámleketlik xızmetler orayı bólim baslıǵı B.Nurlıbekov