Янгиликлар
05
Korrupsiyanı saplastırıwda mámleketlik xızmetin kórsetiwdiń ahmiyeti
Korrupsiyanı saplastırıwda mámleketlik xızmetin kórsetiwdiń ahmiyeti
Búgingi kúnde barlıq rayon hám qalalarda mámleketlik xızmetler orayları xalıqqa xızmet kórsetip kelmekte. Bul taraw iskerligi jolǵa qoyılǵanlıǵınıń nátiyjesinde xalıqqa úlken jeńillik jaratılıp, ásirese bundaǵı tiykarǵı xızmet kórsetiwi lazım bolǵan mákeme hám uyımlardıń ortasında hálek bolıwlarına shek qoyıldı.
Máselen, turaq jay qurıw ushın jer maydanı satıp alıw hám usı jer maydanına turaq jay qurıp onı paydalanıwǵa qabıl etiw ushın qurılıs hám kadastr uyımlarınıń tiyisli hújjetlerin rásmiylestiriwlerin kútip artıqsha waqıt sarıplanıwı, artıqsha áwere hám shıǵındar bolıwlarına tuwra keletuǵın edi.
Mámleketimiz tárepinen ámelge asırılıp atırǵan keń kólemli reformalar qatarında bul tarawda hám usınday reformalar ámelge asırılıwına erisildi.
Bundaǵı eń tiykarǵı másele sonnan ibarat, yaǵnıy korruptsiyalıq jaǵdaylardıń aldın alıw esaplanadı, sebebi, xalıqqa xızmet kórsetiwshi mákeme hám uyımlardıń ortasında áweregershilikke ushırap sharshaǵan puqaralardıń jumısın jeńilletip beriwdi usınatuǵın shaxslardıń elege shekem ushırap atırǵanlıǵınıń guwası bolıp turamız.
Soǵan qaramastan mámleketlik xızmetler kórsetiw orayları arqalı jolǵa qoyılǵan iskerlik óziniń bir qansha abzallıqları menen ózin kórsetip atır, máselen, puqaranıń arzasına tiykar kórsetiliw belgilengen xızmet ushın anıq múddet belgilengen bolıp, usı múddet buzılǵan jaǵdayda Ózbekstan Respublikası Hákimshilik juwapkershilik haqqındaǵı Kodeksiniń 215-5 statyasına tiykar bazalıq esaplaw muqdarınıń bes esesine shekem hákimshilik jariyma jazası qollanıwǵa sebep boladı.
Abat Allaniyazov
Taxtakópir rayonı Yuridikalıq xızmet
kórsetiw orayınıń baslıǵı