Янгиликлар
04
Qaraqalpaqstan Respublikasın sociallıq-ekonomikalıq rawajlandırıw baǵdarlaması tastıyıqlandı
Húrmetli Prezidentimizdiń 2026-jıl 21-fevral kúni "Qaraqalpaqstan Respublikasın 2026-jılda sociallıq-ekonomikalıq rawajlandırıw hám kelesi jıllarǵa mólsherlengen baǵdarlamalardı tastıyıqlaw haqqında"ǵı 70-sanlı qararı qabıl etildi.
Qararǵa muwapıq, Qaraqalpaqstan Respublikasın turaqlı sociallıq-ekonomikalıq rawajlandırıwdıń tiykarǵı maqsetleri belgilendi:
Jumıssızlıq dárejesin 4,2 procentke shekem, kámbaǵallıq dárejesin 3,2 procentke shekem azaytıw, Nókis qalası, Qońırat hám Shımbay rayonları jáne 109 máhálleni jumıssızlıq hám kámbaǵallıqtan awlaq aymaqqa aylandırıw, 5400 qánigeni miynet bazarında talap joqarı bolǵan kásiplerge oqıtıw belgilendi.
Awır kategoriyadaǵı Bozataw, Qanlıkól, Moynaq hám Shomanay rayonlarında jáne kámbaǵallıq dárejesi joqarı bolǵan 90 máhállede isbilermenlikti rawajlandırıw hám infrastrukturanı jaqsılaw arqalı kámbaǵallıq dárejesin eki esege qısqartıw belgilendi.
2030-jılǵa shekem:
Jalpı ónim kólemin 102,4 trillion sumǵa, awıl xojalıǵı óndirisin 28,9 trillion sumǵa jetkeriw jáne sanaat hám xızmetler tarawında jámi 7,2 milliard AQSh dolları ekvivalentindegi joybarlardı ámelge asırıw;
eksport kólemin 900 million AQSh dollarına jetkeriw belgilendi.
Bunnan tısqarı, 2026-jıl 1-aprelden hákimshilik basqarıw jaǵınan Nókis qalası quramına kiriwshi "Qarataw" hám "Bestóbe" MPJ xalqına mámleketlik mektepke shekemgi bilimlendiriw shólkemlerinde bala támiynatı ushın ata-analar tólemine 50 procent azaytıwshı koefficientler qollanıladı.
Nókis qalası ádillik bólimi
YUXKO baslıǵı T.Utemıratov