Янгиликлар
03
Jańalanǵan Konstituciyada insan huqıqları
Ózbekstan búgin όziniń rawajlanıwınıń jańa basqıshına qádem qoymaqta.
Puqaralardıń eń áhmiyetli arzıw-úmitleri hám maqsetleri tiykarǵı nızam Konstituciyada tolıq όz sáwlesin tabadı.
Ózbekstan Respublikasında Ózbekstan Respublikası Konstituciyası hám nızamlarınıń ústinligi sózsiz tán alınadı.
Ózbekstan Respublikasınıń Konstituciyası mámlekettiń pútkil aymaǵında joqarı yuridikalıq kúshke iye, tuwrıdan-tuwrı ámel etedi hám birden-bir huqıqıy túp tiykarın quraydı.
Konstituciyanıń 44-statyasında, sudtıń sheshimi menen tayınlanǵan jazanı ótew tártibinen yamasa nızamda názerde tutılǵan basqa jaǵdaylardan tısqarı májbúriy miynet qadaǵan etiledi.
Balalar miynetiniń balanıń den-sawlıǵına, qáwipsizligine, minez-qulqına, aqılıy hám fizikalıq rawajlanıwına qáwip salıwshı, sonıń menen birge onıń bilim alıwına tosqınlıq etiwshi hár qanday túrleri qadaǵan etiledi.
Jańalanǵan Konstituciyanıń 65-statyasında bolsa, puqaralar párawanlıǵın asırıwǵa qaratılǵan Ózbekstan ekonomikasınıń tiykarın menshiktiń hár qıylı túrleri quraydı. Mámleket bazar qatnasıqların rawajlandırıw hám hadal báseki ushın shárayatlar jaratadı, tutınıwshılardıń huqıqları ústinligin esapqa alǵan halda ekonomikalıq iskerlik, isbilermenlik hám miynet etiw erkinligine kepillik beredi.
Ózbekstan Respublikasında barlıq menshik formalarınıń teń huqıqlılıǵı hám huqıqıy jaqtan qorǵalıwı támiyinlenedi.
Jeke menshikke qol qatılmaydı. Menshik iyesi óz mal-múlkinen nızamda názerde tutılǵan jaǵdaylardan hám tártipten tısqarı hám de sudtıń sheshimine tiykarlanbaǵan halda ayırılıwı múmkin emes dep belgilengen.
Qaraόzek rayonı ádillik bόlimi
YXKO baslıǵı D.Amaniyazov