Янгиликлар
05
Shımbay rayonı YXKOnıń 2025-jıl dawamında ámelge asırǵan jumısları
Ózbekstan Respublikası Prezidentiniń 29.06.2021-jılǵı PQ-5168-sanlı qararı hám 18.03.2022-jılǵı PQ-173-sanlı qararı talaplarına muwapıq, Shımbay rayonı ádillik bóliminiń Yuridikalıq xızmet kórsetiw orayı tárepinen, eksterritorial tártipte Qaraqalpaqstan Respublikası 13 rayondaǵı mámleketlik uyım hám shólkemlerge «E-huquqshunos» elektron sisteması arqalı tuwrıdan-tuwrı yuridikalıq xızmetler kórsetip kelinbekte.
2025-jıl dawamında yuridikalıq xızmet kórsetiliwi belgilengen mámleketlik mákeme hám shólkemlerden “E-huquqshunos” elektron sisteması arqalı ulıwma 87439 hújjet kelip túsken bolıp, sonnan 49781 danası shártnama hám 37658 danası buyrıq joybarların quraydı.
Bul hújjetlerdi huqıqıy ekspertizadan ótkiziwde 87395 hújjetke unamlı juwmaqlar berilgen bolsa 44 hújjet (33 buyrıq hám 11 shártnama) joybarlarında kemshilikler orın alǵanlıǵı ushın, orın alǵan kemshiliklerdi saplastırıw maqsetinde qaytarıldı.
Bunnan tısqarı, jıl dawamında yuridikalıq xızmet kórsetiletuǵın mákemelerdiń mápin kózlep 4 márte (19950000 sum) dawa arza kiritildi hám barlıǵı qanaatlandırıldı.
Sonday-aq, xojalıq shártnamalardıń orınlanıwınıń támiyinleniwi keshiktirilgeni múnásibeti menen yuridikalıq xızmet kórsetiletuǵın mákemelerdiń mápin gózlep 9 talapnama kirgizilip, sonnan 7 talapnama (432107000 sum) qanaatlandırıldı.
Ótken 12 ay dawamında Oray tárepinen 501 huqıqıy úgit-násiyat jumısları ótkerilip, sonnan awızeki túrde 251 márte, ǵalaba xabar quralları arqalı 49 márte, zamanagóy xabar-kommunikaciya texnologiyaları arqalı 201 márte úgit-násiyat jumısları ámelge asırıldı.
Yuridikalıq xızmet kórsetiw orayı tárepinen eksterritorial tártipte mámleketlik mákeme-kárxanalar, shólkemler tárepinen islep shıǵılǵan yuridikalıq áhmiyetke iye bolǵan hújjetlerdiń nızamlılıǵın támiynlew, olardıń nızamlı huqıq hám máplerin qorǵaw boyınsha yuridikalıq xızmet kórsetip kelinbekte.
Shımbay rayonı ádillik bólimi
YXKO baslıǵı A.Reymov