Янгиликлар
02
Sanlí texnologiyalardíń áhmiyeti
Búgingi kúnde mámleketimizdegi hár bir tarawda sanlastırıw procesi kún sayın artıp barmaqta. Negizinde bul ózgerislerdiń túp-tiykarında xalıqtıń eń áhmietli hújjetlerin dizimge alıwshı PHAJ (ZAGS) uyımları turıwı tábiyǵıy.
Burınları «ZAGS» dese, kóz aldımızǵa qalıń arxiv kitapları hám uzın-shubay náwbetler keletuǵın bolsa, búgin bul túsinik túp-tiykarınan ózgerdi. Quwanarlısı PHAJ xızmetkerleriniń jumısındaǵı eń úlken jańalıq — bul Mámleketlik xızmetlerdiń integraciyalasıwı boldı, demek solay eken, endigiden bılay, náreste tuwılǵanda ata-ananıń bir neshe mákemege barıp sarsan bolıwına hesh qanday qájet joq.
Sebebi, tuwılıwdı dizimge alıwdan súyinshi pulın alıwǵa shekem bolǵan barlıq jumıslar birden-bir elektron sistema arqalı ámelge asırılmaqta. Jáne de sońǵı texnologiyalardıń paydalı tárepleri haqqında ayta ketetuǵın bolsaq, birinshiden elektron arxiv, bul millionlaǵan qaǵaz hújjetler sanlı (cifrlı) formatqa ótkerildi.
Bul jumıstıń ádewir jeńillenip, izlegen maǵlıwmatlardı sekundlar ishinde tabıw hám qátelerdiń aldın alıw imkaniyatın beredi. Al, endi QR-kod texnologiyası bolsa, gúwalıqlardaǵı QR-kodlar hújjettiń haqıyqıylıǵın tastıyıqlaw menen birge, burınǵıday kótere qaǵazpazlıqtı keskin qısqarttı. Sonday-aq, kompozit xızmetler bolsa bir múrájat penen bala tuwılıwına baylanıslı 4-5 túrli mámleketlik xızmetti (baqshaǵa náwbet, jasaw jayı boyınsha dizimge alıw hám taǵı basqa) birden sheshiw jolǵa qoyıldı.
Endi eń tiykarǵısı, búgingi PHAJ xızmetkeri tek ǵana dizimge alıwshı emes, al zamanagóy texnologiyalardı jetik meńgergen IT-operator hám xalıq penen tıǵız islesetuǵın psixolog ta bolıwı talap etiledi. Sanlı sistemalardıń engiziliwi xızmetkerlerdiń artıqsha jumısın jeńilletip, puqaralar menen islesiwge kóbirek waqıt ajıratıwǵa sharayat jarattı.
Nókis qalası ádillik bólimi
PHAJ bólimi inspektorı Z.Madreymova