Янгиликлар
25
Mámleketlik xızmetlerdi kórsetiwde talap etiletuǵın hújjetler sanı qısqartıldı
Mámleketlik xızmetlerdi kórsetiwde talap etiletuǵın hújjetler sanı qısqartıldı
"Mámleketlik xızmetlerdi kórsetiw sistemasın jetilistiriw hám tarawda byurokratiyalıq tártip-qaǵıydalardı túp-tiykarınan qısqartıwǵa baylanıslı qosımsha ilajlar haqqında"ǵı Prezident Pármanı (PP-157-sanlı, 08.09.2025-j.) qabıl etildi.
Pármandı qabıl etiwden gózlengen tiykarǵı maqsetler etip tómendegiler belgilendi, atap aytqanda:
2028-jılǵa shekem BIMXP (my.gov.uz) hám mámleketlik xızmetler orayları arqalı kórsetiletuǵın xızmetler sanın 900 ge jetkeriw;
proaktiv mámleketlik xızmetler sanın 53 ke hám kompozit mámleketlik xızmetlerdi 74 ke jetkeriw.
Pármanǵa bola, 2025-jıl 1-dekabrden baslap uyımlararalıq málimleme almasıwın jolǵa qoyıw arqalı tómendegiler biykar etiledi, sonıń ishinde:
nekeni rásmiylestiriwde PHAJ uyımları tárepinen nekeleniwshi shaxslardan medicinalıq tekseriw nátiyjelerin usınıw talabı;
nekeden sud qararı tiykarında ajıratılǵanda nekeden ajıralıw haqqındaǵı akt jazıwın qáliplestiriw ushın PHAJ uyımları tárepinen sud qararınıń talap etiliwi;
avtomototransport quralınıń dizimnen ótkeriw gúwalıǵında avtomototransport quralı iesiniń mánzilin kórsetiw talabı.
Anora Nizanova
Nókis qalası Ádillik bólimi PHAJ bólimi 2-dárejeli inspektorı