Янгиликлар
25
Taqıyatas rayon ádillik bólimi tárepinen 2025-jıl dawamında ámelge asırılǵan jumıslar haqqında
Sońǵı jıllarda ámelge asırılıp atırǵan reformalardı huqıqıy tárepten támiynlew, puqaralar hám isbilermenlik subektleriniń huqıq hám máplerine tiyisli bolǵan nızamshılıq hújjetleriniń mazmun mánisin túsindiriw, orınlarda xalıqtı qıynap kiyatırǵan huqıqıy mashqalalarǵa sheshim qabıllaw, mámleketlik xızmetlerdiń sapasın asırıw, óz iskerligi boyınsha jámiyetke sistemalı ráwishte maǵlıwmatlar usınıw máselelerinde ádillik uyımlarınıń róli hám juwapkershiligi sezilerli dárejede aspaqta.
Usıǵan tiykar, Taqıyatas rayon ádillik bólimi tárepinen 2025-jıl dawamında bir qatar isler ámelge asırıldı.
Tiykarınan, Huqıqıy úgit-násiyat tarawı boyınsha, bólim tárepinen usı kúnge shekem jámi 1171 huqıqıy úgit-násiyat jumısları alıp barılǵan bolıp, sonnan awızeki úgit-násiyat ilájları sanı 676 ti quraytuǵın bolsa, 292 veb saytlarda, gazetada shıǵıwlar sanı 35 di, radioda shıǵıwlar sanı 27 hámde televideniede shıǵıwlar sanı 36 ti quraydı.
Huqıqıy ekspertiza hám yuridikalıq xızmet tarawı boyınsha, búgingi kúnde rayon hákimliginde 1 yuridikalıq xızmet shtat birligi hám ádillik bólimine qaraslı
3 yuridikalıq oray xızmetkerleri shtat birlikleri bar bolıp, házirde bul shtat birlikleri tolıq qánigeler menen qamtılǵan.
Búgingi kúnde rayon hákimligi tárepinen “E-qaror” elektron sisteması arqalı jámi 606 hújjetler qabıl etilgen bolıp, sonnan 162 dana hákim qararı, 328 dana biyligi hámde 116 dana Keńes qararı qabıl etilgen.
Bunnan tısqarı, Rayon hákimligi hám Xalıq deputatları rayonlıq Kenesiniń 13 normativlik-huqıqıy hújjet joybarları huqıqıy ekspertizadan ótkeriw ushın kelip túsip, sonnan 7 hújjet joybarı huqıqıy ekspertizadan ótkerilip, 6 hújjet joybarı belgilengen talaplarǵa ámel etilmegenligi sebepli qaytarılǵan.
Insan huqıqların qorǵaw tarawı boyınsha bólimge 2025-jıl dawamında jámi 82 arza hám shaǵımlar kelip túsip, sonnan qanaatlantırılǵan arza hám shaǵımlar sanı 44 di, huqıqıy túsinik berilgeni 31 di, 5 múrájat kórmesten qaldırıldı, 6 múrájat tiyisliligi boyınsha jiberildi.
Sonday-aq, bólim tárepinen sudlarǵa kiritilgen dawa arzalar sanı jámi 92 dı quraydı. Sonnan 92 dana dawa arzalar puqaralıq tártipte kiritilgen bolıp, 67 dana dawa arzalardıń qanaatlandırılıwına erisilgen bolsa, 4 dana dawa arzalar kórmesten qaldırılǵan, 23 dana dawa arzalar sud óndirisinde qalmaqta.
Sonıń menen bir qatarda bólim tárepinen мáкеме háм shólkemlerge jámi 74 dana usınıs shıǵarılǵan. Sonnan 2 dana usınıs óndiriste. Shıǵarılǵan usınıslarǵa tiykar 1 218 979 506 swm puqaralardıń esaplanǵan biraq tólenbey kiyatırǵan is-haqı hám oǵan teńlestirilgen tólemleri óndirilip berildi.
Rayon ádillik bólimine kelip túsken múrájatlar analizlengende eń kóp múrájatlar miynet nızamshılıǵı, pensiya hám sociallıq napaqalar, úy-jay hám fakttı belgilew máselelerine baylanıslı ekenligi anıqlandı.
Bunnan tısqarı ótkerilgen úyreniw hám monitoring dawamında 719 nızam buzılıw jaǵdayları anıqlandı.
Olardı saplastırıw boyınsha mákeme hám shólkemlerge jámi 74 usınıs, 44 hákimshilik usınıs hámde 1 jınayıy usınıs kirgizildi.
Yuridikalıq xızmet kórsetiw tarawı boyınsha:
Bólimniń yuridikalıq xızmet kórsetiw orayı tárepinen ótken jıldıń 11 ayı dawamında Taqıyatas rayonındaǵı 53 mámleketlik uyım hám shólkemlerge
“E-huquqshunos” elektron sisteması arqalı yuridikalıq xızmetler kórsetip kelingen bolsa búgingi kúnde eksteretorial tártipte respublika kóleminde xızmetler kórsetilmekte.
2025-jıl dawamında Orayǵa jámi 49 997 hújjet (24 913 (jeke quram, miynet dem alısları, xızmet saparları, ulıwma másele) buyrıq, 25 084 miynet, puqaralıq hám xojalıq shártnamaları) kelip túsken bolsa, sonnan 49 335 hújjetlerge nızamǵa muwapıqlıǵı boyınsha, 662 hújjetlerge kemshiliklerdi saplastırıw boyınsha huqıqıy juwmaqlar berildi.
Mámleketlik xızmetler kórsetiw tarawı boyınsha
Taqıyatas rayonı ádillik bólimi mámleketlik xızmetler orayı tárepinen
2025-jıl dawamında puqaralar hám isbilermenlik sub’ektlerine jámi
27 112 mámleketlik xızmetler kórsetilgen.
sonnan 25 598 fizikalıq shaxslarǵa 1 514 yuridikalıq shaxslarǵa mámleketlik xızmetler kórsetildip, alıs aymaqlarǵa shıqqan halda 3 981 kóshpeli mámleketlik xızmetler kórsetilgen.
Bunnan tısqarı birden-bir interaktiv mámleketlik xızmetler portalı bolǵan my.gov.uz saytı arqalı xalqımız tárepinen 14 742 mámleketlik xızmetlerden paydalanılǵan
Sonday-aq, oray tárepinen jıl dawamında 347 isbilermenlik sub’ektler mámleketlik dizimnen ótkerilip, sonnan 107 yuridikalıq shaxslardı, 240 jeke tártiptegi isbilermenlik subektlerdi quraydı.
Sonday-aq 254 isbilermenlik subektleri qayta mámleketlik dizimnen ótkerilip, sonnsn 152 yuridikalıq shaxs, 102 jeke tártiptegi isbilermenlerdi quraydı.
Sonday-aq Mámleketlik xızmetler orayında 2025-jıl dawamında Ózbekstan Respublikası Ministrler Kabinetiniń 2019-jıl 21-avgust kúngi 704-sanlı qararına tiykar óz arzaları menen ıqtıyarıy ráwishte 64 yuridikalıq sub'ekt 76 jeke tartiptegi isbilermenler saplastırıldı. Sonday-aq, 15 yuridikalıq sub'ekt sud uyǵarıwına tiykar bankrot dep tabılıp saplastırıldı.
Sonıń menen birge óz jumısların waqtınsha toqtatqan 384 jeke isbilermennen 67 jeke isbilermen óz jumısın qayta dawam etti.
Puqaralıq halatların aktlestirip jazıw tarawı boyınsha:
Taqıyatas rayonı adillik bólimi PHAJ bólimi tárepinen 2025-jıldıń 12 ayı dawamında puqaralarǵa 2385 huqıqıy xızmetler kórsetilgen bolıp, sonnan bólim tárepinen tuwılıw haqqında 1238 dana, neke haqqında 368 dana, nekeden ajırasqanlıq haqqında 78 dana, ólim haqqinda 395 akt jazıwları dizimge alındı.
Bunnan tısqarı 145 dana tuwılıw haqqında akt jazıwlarına ózgeris, qosımsha hám dúzetiw kiritiw boyınsha, 4 dana perzentlikke alıw haqqında, 78 dana nekeden ajırasıw hám 35 dana nekeden ajirasıw boyınsha akt jazıwına qosımsha kiritiw haqqında, 145 dana akt jazıwına ózgeris kiritiw, 6 dana familiya, ati hám ake atin ózgertiw boyınsha arzalarına tiykar ózgeris kiritildi.
Sonday-aq, Minsk konvensiyasına tiykar kelip túsken jami
116 sorawnamaǵa juwaplar berildi.
Taqıyatas rayonı
ádillik bólimi baslıǵı N.Kalimbetov