Янгиликлар
25
Bozataw rayonı ádillik bólimi Mámleketlik xızmetler orayı tárepinen 2025-jıl dawamında ámelge asırılǵan isler boyınsha
Búgingi kúnde Mámleketlik xızmetler oraylarınıń tiykarǵı maqseti - puqaralarǵa mámleketlik xızmetlerdi ashıq-aydın, operativ hám qolaylı túrde kórsetiwden ibarat ekenligin atap ótiw kerek. Búgingi kúnde oraylar arqalı túrli tarawlardaǵı júzlegen mámleketlik xızmetler "bir ayna" principi tiykarında kórsetilmekte. Sanlastırıw processleri izbe-iz dawam ettirilip, elektron xızmetlerdiń úlesi keńeymekte. Puqaralardıń my.gov.uz birden-bir interaktiv mámleketlik xızmetler portalı arqalı aralıqtan turıp múrájat etiw imkaniyatları jaratıldı.
Ózbekstan Respublikası Prezidentiniń 2025-jılı 8-sentyabr kúngi PP-157 sanlı pármanı qabıl etilip, Pármannıń tiykarǵı maqseti 2028-jılǵa shekem birden-bir interaktiv mámleketlik xızmetler portalı hám mámleketlik xızmetler orayları arqalı kórsetiletuǵın xızmetler sanın 900 ge jetkeriw; Proaktiv mámleketlik xızmetler sanın 53 ke hám kompozit mámleketlik xızmetlerdi 74 ke jetkeriw. Mámleketlik xızmetler oraylarına kelip múrájat etkende pensioner, hámiledar hayallar hám 3 jasqa tolmaǵan balası menen kelgen puqaralarǵa mámleketlik xızmetlerden náwbetsiz paydalanıw boyınsha jeńillik beriledi; Pármanǵa bola, 2025-jıl 1-noyabrden Birden-bir interaktiv mámleketlik xızmetler portalında fizikalıq táreplerdiń belgilengen shaxsqa tiyisli maǵlıwmatları olardıń jeke kabineti arqalı real waqıt rejiminde usınıladı. Bunda fizikalıq shaxstıń Birden-bir portaldaǵı shaxsqa baylanıslı maǵlıwmatları olardıń qaǵaz formasına teńlestiriledi, usı maǵlıwmatlar Birden-bir portaldıń mobil qosımshasınan paydalanǵan halda kórsetilgende mámleketlik uyımlar hám shólkemler tárepinen usı maǵlıwmatlardıń qaǵaz formasın talap etiw qadaǵan etiledi.
Mámleketlik xızmetlerin kórsetiw tarawında olardıń sapası, tezligi, qolaylıǵı hám paydalanıw imkániyatın túpten asırıw arqalı «Xalıq mámleketlik uyımlarına emes, mámleketlik uyımlar xalqımızǵa xızmet etiwi kerek» degen ideyanı ámelge asırıw hám mámleketlik xızmetleriniń hár bir túri boyınsha «Puqaralar emes, xújjetler háreketlenedi» principine muwapıq mámleketlik xızmetlerin kórsetiw mexanizimin, eń aldı menen, artıqsha tártip-qaǵıydalardı saplastırıw, Respublikamızda mámleketlik xızmetlerin kórsetiw sistemasın izbe-izlik penen modernizaciya qılınıp atırǵanlıǵınan derek beredi.
Atap aytqanda Bozataw rayonı Ádillik bólimi mámleketlik xızmetler orayı tárepinen 2025-jıl dawamında fizikalıq hám yuridikalıq shaxslarǵa 9648 mámleketlik xızmetler kórsetilip, sonnan 2674 xızmetlerdi puqaralar, orayǵa múrájat etpesten onlayn tárizde yaǵnıy, Birden-bir interaktiv mámleketlik xızmetler portalı sistemaları arqalı ámelge asırılǵan.Sonday-aq rayon orayınan alıs aymaqlarǵa shıǵıw arqalı puqaralardıń waqıtların tejew hámde olardıń uzaǵın jaqın qılıw, sonıń menen birge imkaniyatı sheklengen puqaralarǵa qolaylıqlar jaratıw maqsetinde oray xızmetkerleri tárepinen orınlarǵa barǵan halda kóshpeli xızmetler ámelge asırılıp kelinbekte, bulardıń nátiyjesinde ótken 2025-jıl dawamında puqaralarǵa 1363 kóshpeli mámleketlik xızmetler kórsetildi.
Sonıń menen birge 109 isbilermenlik subekti sıpatında mámleketlik dizimge alınıp, 104 isbilermenlik subektleri qayta mámleketlik dizimnen ótkerildi.
Sonday aq Ǵalaba-xabar quralları arqalı huquqıy úgit-násiyat jumısların alıp barıw boyınsha oray xızmetkerleri tárepinen 200 shamalas márte huquqıy úgit-násiyat jumısları ámelge asırılǵan.
Ádillik ministrligi hám onıń aymaqlıq uyımları keleshekte de mámleketlik xızmetlerdi ápiwayılastırıw, zamanagóy hám innovaciyalıq sheshimlerdi engiziw arqalı xalıqtıń máplerine xızmet etiwdi tiykarǵı wazıypa sıpatında belgilegen.
Juwmaqlap aytqanda, Mámleketlik xızmetler orayları puqaralarǵa xızmet kórsetiwde "mámleketlik uyımlar emes, insan mápi" principi tiykarında jumıs alıp barıp, keleshekte de sapalı hám zamanagóy xızmetlerdi engiziwdi maqset etken.
Bozataw rayonı ádillik bólimi
Mámleketlik xızmetler orayı direktorı A.K.Dauyekeyev