Янгиликлар
25
Nızamshılıqtaǵı jańalıqlar
Húkimet qararí menen mámleketlik emes sud-ekspertiza tarawin tartipke salip atirǵan ayirim normativliq-huqiqiy hújjetler tastiyiqlandi. Qarar menen tómendegi tártipler belgilendi:
Mámleketlik emes sud-ekspertiza shólkemleriniń jumısın shólkemlestiriw; Mámleketlik emes sud-ekspertiza shólkemlerin mámleketlik dizimnen ótkeriw boyınsha mámleketlik xızmetti kórsetiw;
Mámleketlik emes sud eksperti bolıw qálewin bildirgen shaxslardı qayta tayarlaw, mámleketlik emes sud ekspertleriniń mamanlıǵın hám huqıqıy bilimin arttırıw jáne olardı qosımsha ekspertiza túrleri boyınsha qayta tayarlaw;
Mámleketlik emes sud ekspertlerin Sud eksperti sıpatında kásiplik uqıplılıqtı tastıyıqlawshı sertifikat alǵan shaxslardıń birden-bir reestrine kirgiziw boyınsha mámleketlik xızmetti kórsetiw;
Ózbekstan Respublikası Ádillik ministrligi janındaǵı Ekspert-qánigelik komissiyasınıń jumısın shólkemlestiriw.
Bul qarar menen mámleketlik emes sud-ekspertiza shólkemleri, endi, kommerciyalıq emes shólkem sıpatında jumıs alıp barıwı hám jeke tártipte sud-ekspertlik byurosı túrinde de shólkemlestiriletuǵını belgilendi.
Burın, mámleketlik emes sud-ekspertiza shólkemin shólkemlestiriw ushın sud eksperti sertifikatına iye keminde 3 sud eksperti bolıwı kerek edi.
Sonday-aq, bul hújjet penen bul tarawda birinshi márte mámleketlik emes sud-ekspertiza shólkemlerin mámleketlik dizimnen ótkeriw hám sud eksperti sıpatında kásiplik uqıplılıqtı tastıyıqlawshı sertifikat alǵan shaxslardıń birden-bir reestrine kirgiziw boyınsha mámleketlik xızmetler kórsetiw jolǵa qoyıldı.
Oǵan bola, mámleketlik emes sud-ekspertiza shólkemleri Mámleketlik xızmetler orayları tárepinen Isbilermenlik subektlerin mámleketlik dizimnen ótkeriw hám esapqa qoyıwdıń avtomatlastırılǵan sisteması arqalı mámleketlik dizimnen ótkeriledi.
Bunnan tısqarı, Húkimet qararı menen sud ekspertlerin qayta tayarlaw hám mamanlıǵın arttırıw sistemasınıń tikkeley ámeliyat penen uyǵınlıǵın támiyinlew belgilendi.
Oǵan bola, oqıw rejesi hám oqıw ámeliyatı baǵdarlamaları islep shıǵılıp, bilimlendiriw procesiniń 40 procenti teoriyalıq, 60 procenti ámeliy bólimge ajıratıladı hám tıńlawshılarǵa bilimlendiriw procesiniń teoriyalıq bólegi tiyisli mámleketlik bilimlendiriw mákemesinde, ámeliy bólegi tiyisli mámleketlik sud-ekspertiza mákemesinde shólkemlestiriledi.
Sonıń menen birge, bul hújjetke tiykarlanıp mámleketlik emes sud ekspertleriniń kásiplik hám ámeliy tayarlıq dárejesin anıqlaw jáne olardıń nızamsız háreketleri menen baylanıslı jaǵdaylardıń ádil hám qalıs kórip shıǵılıwın támiyinlew maqsetinde Ádillik ministrligi janında Ekspert-qánigelik komissiyasınıń jumısın jolǵa qoyıw tártibi belgilendi.
Shomanay rayonı ádillik bólimi
MXO bólim baslıǵı A.Orazbaev