Янгиликлар
25
Guwalıq alıwdaǵı qolaylıqlar
Búgingi kúnde birde bir tarawdı zamanagóy málimleme kommunikasiya texnologiyalarısız kóz aldımızǵa keltirip bolmaydı. Málimleme texnologiyalardıń jaratılıwı imkaniyatlardı keńeytiriwge xızmet etpekte. Biraq bul imkaniyatlardan kópshilik elege shekem paydalanıp bilmeydi. Xalıq úyinde otırıpta kóplep huqıqıy mashqalaların sheshiwge imkaniyat jaratılǵan bir dáwirde kóplep áwegershilikke dus kelmekte.
Máselen, shańaraqqa jańa miyman keldi, yaǵnıw perzent dúnyaǵa kelse, tuwılǵanlıq haqqında guwalıqtı alıw ushın dárhál PHAJ bólimine júgiremiz. Al bul guwalıqtı úyden shıqpay, yaǵnıy tuwrıdan-tuwrı úyińizge jetkizip beriw xızmetinen paydalanıp alıwǵa bolatuǵınlıǵınan xabarıńız barma?
Tuwılǵanlıq haqqında guwalıqtı úyden turıp birden-bir interaktiv mámleketlik xızmetler portalı (mu.gov.uz) arqalı alıwıńız múmkin. Endi aldıńǵıday, puqaralıq halatı aktlerin jazıw (PHAJ) uyımlarına barmaysız, náwbet kútip áwere bolmaysız. Bunıń ushın mu.gov.uz arqalı buyırtpa berseńiz boldı. Buyırtpada, perzentińizge tiyisli maǵlıwmatlar toltırıladı hámde tuwılǵanlıq haqqındaǵı guwalıqtı jetkizip beriletuǵın mánzil kórsetiledi, keyingi basqıshta-invoys (kvitansiya) shıǵadı hámde BЕMnıń 15 payızı muǵdarda hámde pochta xızmeti ushın tólem ámelge asırıladı. PHAJ xızmetkeri kelip túsken buyırtpanı kórip shıǵıp, shıqqan guwalıqtı pochta xızmetine beredi hám guwalıqtı pochta xızmeti arqalı úyińizge shekem jetkizip beriledi. Bul tek perzentıńızdiń guwalıǵın alıwda ǵana emes, al basqada ózińizge tiyisli bolǵan guwalıqlardı alıwdada qollanıwǵa boladı.
Kegeyli rayonı ádillik bólimi
PHAJ bólimi baslıǵı I.Erjanova