Янгиликлар
25
Nızamshılıqtaǵı jańalıqlar
Ózbekstan Respublikası Ministrler Kabinetiniń 2025-jıl 16-dekabr kúngi 792-sanlı qararı menen "Mámleketlik xızmetlerdi kórsetiw sapasın xalıq tárepinen bahalaw tártibi haqqında"ǵı reje tastıyıqlandı.
Rejege muwapıq, tómendegiler wákillikli uyımlardıń mámleketlik xızmetlerdi kórsetiw sapası hám nátiyjeliligin xalıq tárepinen bahalawdıń tiykarǵı normaları esaplanadı:
- xızmet kórsetiw sapası;
- xızmettiń óz waqtında kórsetilgenligi;
- xızmetten paydalanıw imkaniyatı.
Sonday-aq, bahalawshı mámleketlik xızmetten paydalanǵannan soń arnawlı QR-kodtı skanerlep, belgilengen normalar tiykarında 1 den 5 ke shekem óz baha hám pikirlerin qaldırıwı múmkin boladı.
Qaldırılǵan 3 yamasa onnan tómen baha hám unamsız pikirler mámleketlik xızmetlerdiń sapasın jaqsılaw maqsetinde wákillikli uyımlar hám Ádillik ministrligine avtomatikalıq túrde jiberiledi.
Onda bul jaǵdaylarǵa sebep bolıp atırǵan sharayatlar wákillikli uyımlar tárepinen úyrenilip, olardı saplastırıw ilajları kóriledi.
Bunnan tısqarı, bahalaw nátiyjeleri jaqsılanıwına erisilmegende, Ádillik ministrligi tárepinen juwapker xızmetkerlerdi mámleketlik xızmetlerdi kórsetiwden shetletiw máselelerin kórip shıǵıw boyınsha wákillikli uyımǵa usınıs kirgiziledi.
Bahalaw nátiyjelerine bola dáwir, wákillikli uyım hám aymaqlar (wálayatlar hám rayon (qala) lar kesiminde reyting qáliplestirilip, hár sherek, yarım jıl hám jıl juwmaǵı menen keyingi aydıń 15-sánesine shekem birden-bir interaktiv mámleketlik xızmetler portalında járiyalanıp barıladı.
Shomanay rayonı
ádillik bólimi MXO bas qániygesi T.Dawletmuratov