Янгиликлар
25
Erli-zayıplınıń biriniń arzasına tiykar nekeden ajıratıw
Ózbekstan Respublikаsı Shańaraq kodeksiniń 43-statya hám 219-statyalarına muwapiq erli zayıplınıń birewi
Sud tárepinen biydarek joǵalǵan dep tawılǵan bolsa;
Sud tárepinen ruxıy buzılıwı(ruwxıy buzılıwı yaki aqıl esi putin emesligi )sebepli mámlege uqıpsiz dep tabılǵan bolsa,
Islegen jınayatı ushın ush jıldan kem bolmaǵan muddetke erkinen ayırılǵan bolsa, ortada er jetpegen balaları bar yaki joqlıǵına qaramastan ,erli zayıplınıń biriniń arzası menen PHAJ organlarında nekeden ajırasiw dizimge alınadı.
Bunday jaǵdaylarda arzaǵa tómendegiler qosımsha qılınadı;
Erli zayıplınıń mámlege uqıpsız yaki biydarek joǵalǵan dep tabılǵanlıǵı haqqındaǵı nızamlı kushke kirgen sud qararı.
Erli-zayıplınıń ush jıldan kem bolmaǵan muddetke erkinen ayrılǵanlıǵı haqqında nızamlı kushke kirgen sud hukiminen kóshirme , sonday aq sudlaǵan erli zayıplınıń nekeden ajırastırıwda ortada ulıwma balaları yáki mal mulki boyınsha dau joqlıǵı haqqında razılıǵı.
Balaları haqqında , birgeliktegi ulıwma mal-mulkin bóliw haqqında yáki jardemge mutaj miynetke jaramsız erli-zayıplınıń birewi ne táminatı ushın pul tólew haqqında daw bolsa nekeden ajıratıw sud tártibinde ámelge asırıladı.
Ortasında balaları yaki múlkiy dauları bolmaǵan hám ush jildan kem bolmaǵan muddetke erkinen ayrılǵan shaxslardı nekeden ajıratıw erli-zayıplınıń óz-ara razılıǵına asas ulıwma normalar tiykarında PHAJ organları tárepinen ámelge asırıladı.
Sudtın erlı-zayıplınıń biriniń biydarek joǵalǵan dep tabılǵanlıǵı haqqındaǵı qararı boyınsha nekeden ajıratıw er yáki xayal turaqlı (waqtınsha)dizimnen ótken jerine qaramastan PHAJ organı tárepinen ámelge asırıladı.
Sud tárepinen biydarek joǵalǵan dep tabılǵan er(xayal) qaytıp kelgende hám sudtıń tiyisli sheshiwshi qararı biykar qılınǵanda neke erli zayıplınıń birgeliktegi arzasına tiykar PHAJ organi tárepinen tikleniwi múmkin.
Bul xalda PHAJ organı nekeden ajıratıw haqqındaǵı akt jazıwın hám onıń tiykarında berilgen tiyisli guwalıqtı biykar qıladı.
Táreplerden biri jańa nekege kirgen bolsa,neke tikleniwi mumkin emes.Bul jaǵdayda biydarek joǵalǵan shaxs murajat etkende nekeden ajırasıw haqqında guwalıq beriledi.
Qaraózek rayonı
PHAJ bólimi I-dárejeli inspektorı E.Sultamuratova