Янгиликлар
25
Isbilermenlikti 15 minutta baslaw
Ózbekstan Respublikası Prezidentiniń 2025-jıl 14-noyabrdaǵı “Biznes júritiwdi hámde licenziyalaw hám ruxsat beriw tártip qaǵıydaların ápiwayılastırıwǵa baylanıslı náwbettegi is-ilájlar haqqında”ǵı PF-214-sanlı Parmanı qabıl etildi.
2026-jıl 1-yanvardan baslap «Isbilermenlikti 15 minutta baslaw» printsipi tiykarında isbilermenlik subektlerin mámleketlik dizimnen ótkeriwde bir waqıttıń ózinde tómendegi xızmetlerdi kórsetiw tártibi engizilmekte;
– ESI qol tańbaların beriw;
– bank esap betlerin ashıw hám onı paydalanıw;
– ayrım iskerlik túrleri boyınsha litsenziya, ruxsatnama alıwǵa arza yaki xabarnama jiberiw;
– kóshpes múlk ijara shartnamasın rásmiylestiriw;
– qosılǵan qun salıǵı tólewshisi guwalıǵın alıw;
– onlayn qadaǵalaw-kassa mashinaların onlayn tárizde satıp alıw hám onı salıq organlarında dizimnen ótkeriw;
– yuridik shaxs baslıqların tayınlaw hám onı málimleme sistemada esapqa qoyıw.
Sonıda aytıp ótiw kerek isbilermenlik subekti hár bir xızmetten óz tańlawı tiykarında ıqtıyarlı túrde paydalanadı. Sonıń menen birge tańlanǵan xızmetler boyınsha birden-bir QR-kod arqalı tólemdi ámelge asırıw imkaniyatı jaratılıw belgilengen.
Bul islenip atırǵan jumıslar Mámleketimizde isbilermenlikti qollap-quwatlaw, investiciyalıq ortalıqtı jaqsılaw, hám biznes júritiw ushın qolaylı shárt-shárayatlar jaratıw, asirese, licenziyalaw hám ruxsat beriw tártip-qaǵıydaların ápiwayılastırıw, artıqsha byurokratik talaplardı qısqartıw hám búgingi kúnniń tiykarǵı talabı bolǵan mámleketlik xızmetlerdi sanlastırıw ushın tiykar boladı.
Qaraózek rayonı ádillik bólimi
Mámleketlik xızmetler orayı
bólim baslıǵı A.Dosımbetov