Янгиликлар
24
Xalıqaralıq bilimlendiriw baǵdarlamaları engizilgen texnikum xızmetkerleriniń miynetine haqı tólew tártibi belgilendi
Húkimet qararı (51-san, 11.02.2026 j.) menen "Xalıqaralıq bilimlendiriw baǵdarlamaları engizilgen texnikumlar xızmetkerleriniń miynetine haqı tólew tártibi haqqında"ǵı reje tastıyıqlandı.
Usı Reje xalıqaralıq bilimlendiriw baǵdarlamaları engizilgen texnikumlarda (texnikum) xalıqaralıq bilimlendiriw baǵdarlamaların oqıtıwǵa tartılǵan tómendegi xızmetkerler ushın miynetine haqı tólew, ústeme belgilew hám olardı xoshametlew tártibin belgileydi:
▪oqıtıwshılar;
▪óndirislik bilimlendiriw ustaları;
▪texnikum direktorı;
▪bas buxgalter;
▪Xalıqaralıq bilimlendiriw baǵdarlamasın muwapıqlastırıw bólimi xızmetkerleri.
Rejege bola, bul xızmetkerlerdiń miynet haqı muǵdarlarına hár aylıq 100 procentlik ústeme Mámleketlik byudjetten tólenedi hám jıllıq qárejetler smetaların dúziwde shtatlar kestesi hám tarifikaciyalardı qáliplestiriw procesinde olardıń tarif stavkasına qosımsha túrde belgilenedi.
Texnikumlarda xalıqaralıq bilimlendiriw baǵdarlamaların oqıtıwǵa tartılǵan oqıtıwshılar hám óndirislik bilimlendiriw ustalarına xoshametlew muǵdarın belgilew boyınsha texnikumda turaqlı jumıs alıp barıwshı jumısshı topar dúziledi.
Jumısshı toparlardıń qararı ashıq dawıs beriw arqalı jumısshı toparlar májilislerinde qatnasıp atırǵan aǵzalardıń kópshilik dawısı menen qabıl etiledi hám jumısshı toparlar basshıları tárepinen tastıyıqlanǵan protokollar menen rásmiylestiriledi.
Qanlıkól rayonı ádillik bólimi
Yuridikalıq xızmet kórsetiw orayı baslıǵı A.Seydabullayev