Янгиликлар
24
Telekommunikaciyalar xızmetlerin kórsetiw qaǵıydalarına ózgerisler kirgizildi
Ádillik ministrligi Sanlı texnologiyalar ministrligi menen birgelikte Telekommunikaciyalar xızmetlerin kórsetiw qaǵıydalarınıń jańa redakciyasın mámleketlik dizimnen ótkerdi (dizim sanı 3762, 26.01.2026 j.).
Bul hújjette telekommunikaciyalar xızmetlerin kórsetiwde puqaralarǵa qolaylıqlar jaratıwǵa qaratılǵan tómendegi bir qatar jańalıqlar belgilendi.
Sonıń ishinde, mobil baylanıs abonentleriniń jeke esap betinde qarjı xızmet kórsetiwdi dawam ettiriw ushın jeterli bolmaǵanda mobil baylanıs operatorı hám abonent arasında dúzilgen shártnamanı biykarlaw (joq bolǵan nomer jaǵdayına ótkeriw) múddeti 2 aydan 1 jılǵa sozıladı.
Abonentler ámeldegi tarif rejesin qálegen basqa tarif rejesi menen biypul almastırıwı múmkin boladı (bunnan belgili bir topar yamasa belgili sheklengen aymaq ushın islep shıǵılǵan ayrıqsha tarif rejelerine ótiw tısqarı).
Ámeldegi tariflerdiń shártleri ózgergende, abonentler bul haqqında keminde 15 kún aldın ǵalaba xabar quralları, rásmiy veb-sayt yamasa SMS xabarnamalar arqalı májbúriy tártipte xabardar etiledi.
Xalıqqa qosımsha qolaylıq jaratıw maqsetinde, xızmet kórsetiw punktine keliw imkaniyatı bolmaǵan puqaralar ushın jasaw ornına barıw, alıs hám jetip barıw qıyın bolǵan elatlı punktlerde kóshpeli mobil baylanıs xızmetlerin kórsetiw jolǵa qoyıladı.
Qanlıkól rayonı ádillik bólimi
Mámleketlik xızmetler orayı direktorı B.Matjanova