Янгиликлар

Endi 1 kúnde tek ǵana 1 bankten onlayn kredit alıwǵa ruxsat beriledi

---

Ádillik ministrligi Oraylıq bank penen birgelikte Kredit hám tólem shólkemleri, tólem sisteması operatorları tárepinen fizikalıq shaxslarǵa aralıqtan finanslıq xızmetler kórsetiwde málimleme qáwipsizligi hám kiberqáwipsizlikti támiyinlew hám de aldaw jaǵdaylarınıń aldın alıw boyınsha minimal talaplar haqqındaǵı rejeni mámleketlik dizimnen ótkerdi.
Rejege bola, onlayn kredit alıw ushın arza berilgende, kredit shólkemi dáslep paydalanıwshı maǵlıwmatların Kredit pitimin dúziw qadaǵan etilgen shaxslar reestrinde tekseredi.
Eger paydalanıwshı maǵlıwmatları reestrde tabılmasa, onlayn kredit beriw procesi dawam ettiriledi.
Eger bir fizikalıq shaxslardıń jeke identifikaciyalıq sanı boyınsha bir waqıttıń ózinde bir neshe kredit shólkemleri soraw jiberse, kredit byurosı tek ǵana birinshi bolıp jiberilgen sorawǵa juwap beredi.
Birinshi soraw jibergen kredit shólkemi usı fizikalıq shaxslardıń jeke identifikaciyalıq sanı boyınsha onlayn kredit rásmiylestirilgenligin málim etse, kredit byuroları usı fizikalıq shaxslardıń jeke identifikaciyalıq sanı boyınsha basqa kredit shólkemlerine 24 saat dawamında soraw qabıl etilmeytuǵınlıǵı haqqında maǵlıwmat beredi.

Aynazar Xojanov
Qaraqalpaqstan Respublikası
Ádillik ministrligi sektor bas másláhátshisi

---