Янгиликлар
20
Soraw beriń juwap beremiz
Soraw: Men perzentimdi mektepke shekemgi bilimlendiriw shólkemine jaylastırıw ushın náwbetke qoyǵan edim. Biraq, búgingi kúnge shekem náwbetim kelmey atır. Balalardı mektepke shekemgi bilimlendiriw shólkemine jaylastırıwda náwbet júritiliw tártipleri qanday?
Juwap: Balalardı mektepke shekemgi bilimlendiriw shólkemine jaylastırıw boyınsha mámleketlik xızmet Ózbekstan Respublikası Ministrler Kabinetiniń 2018-jıl 28-marttaǵı 244-sanlı qararı menen tastıyıqlanǵan “Balalardı mámleketlik mektepke shekemgi bilimlendiriw shólkemlerine qabıllaw boyınsha mámleketlik xızmetlerdi kórsetiw”diń Hákimshilik reglamentine tiykar kórsetiledi.
Bunda Hákimshilik reglamenttiń 16-bántinde arza beriwshiler Mámleketlik xizmetler orayına ózi kelip múrájat etken halda yaki Birden-bir interaktiv mámleketlik xızmetler portalı (my.gov.uz) arqalı múrájat etilgende, toltırılǵan sorawnama avtomatikalıq túrde Ózbekstan Respublikası Mektepke shekemgi hám mektep bilimlendiriw ministrliginiń “Balalar baqshası” mektepke shekemgi bilimlendiriwdi basqarıw málimleme sistemasına jiberiledi.
Bunda málimleme sistemasında avtomat túrde tómendegi háreketler ámelge asırıladı.
– tiyisli shólkem hám toparda bos orın bolganda – jollanba qáliplestiriledi;
– tiyisli shólkem hám toparda bos orın bolmaǵanda – sorawnama tiyisliligi boyınsha ulıwma yakı imtiyazlı dizimge kiritiledi hámde xabarnama qáliplestiriledi.
Mektep hám mektepke shekemgi bilimlendiriw ministrliginiń rásmiy veb-saytında shólkemler hám toparlardaǵı bos orınlar sanı haqqındaǵı maǵlıwmatlar turaqlı túrde jańalap barıladı.
Sonday-aq, Hákimshilik reglamenttiń 17-bántinde reglamenttiń 16-bántine muwapıq jollanbalar málimleme sistemasında avtomat túrde shólkemde orınlar bosaǵan kúni náwbetke muwapıq rásmiylestiriledi.
Huquqiy tiykar: https://lex.uz/docs/3603405
Dilfuza Xabibullaeva
Qaraqalpaqstan Respublikası
Ádillik ministrligi sektor bas másláhátshisi