Янгиликлар
13
Hámledarlıq hám tuwıw napaqası qalay tayınlanadı?
Ózbekstan Respublikası Prezidentiniń 03.11.2025-jıldaǵı PP-206-sanlı Pármanına muwapıq 2026-jıl 1-yanvardan baslap mámleketlik sociallıq qamsızlandırıwdıń jańa sisteması engiziledi. Onda tólemler puqaralarǵa olardıń eń az qamsızlandırıw stajına hám Prezident janındaǵı Sociallıq qorǵaw milliy agentliginiń Mámleketlik sociallıq qamsızlandırıw qorı arqalı tólengen qamsızlandırıw tólemine sáykes túrde tólenedi deb belgilengen edi.
Sonday-aq, Ózbekstan Respublikası Ministrler Kabinetiniń 17.12.2025-jıldaǵı "Xalıqqa mámleketlik sociallıq qamsızlandırıw boyınsha tólemlerdi ámelge asırıw sistemasın jetilistiriwdiń qosımsha is-ilajları haqqında"ǵı 796-sanlı qararı qabıl etildi.
Ministrler Kabinetiniń 2025-jıl 17-dekabrdegi 796-sanlı qararına kóre:
- Hámiledarlıq hám tuwıw boyınsha napaqa muǵdarın esaplawda qamsızlandırılǵan shaxstıń qamsızlandırılǵan stajına sáykes túrde ortasha aylıq miynet haqısına tómendegi staj koefficienti qollanıladı:
- on aydan yigirma tórt ayǵa shekem (yigirma tórtinshi ayda kiredi) qamsızlandırıw stajına iye bolǵanda - 75 procent;
- jigirma bes aydan alpis ayǵa shekem (alpısınshı ayda kiredi) qamsızlandırıw stajına iye bolǵanda - 85 procent;
- alpis bir hám onnan artiq ay qamsızlandırıw stajına iye bolǵanda - 100 procent.
Hámledarlıq hám tuwıw boyınsha napaqa miynetke jaramsızlıq qaǵazında kórsetilgen barlıq dáwir ushın, biraq usı Rejeniń 17-bántiniń talapların (ekshembi kúni hámde Miynet kodeksiniń 208-statyasına muwapıq islenbeytuǵın bayram kúnleri bar bolǵan jaǵdayda, bul kúnler mámleketlik sociallıq qamsızlandırıw boyınsha tólemler muǵdarın esaplawda inabatqa alınbaydı) inabatqa alǵan halda esaplanadı hám tólenedi.
Xojeli rayonı ádillik bólimi
YXKO bas yuriskonsulti N.Amangeldieva