Янгиликлар
12
Kóshpes múlikte jasaw ornı boyınsha dizimnen ótken shaxslar haqqındaǵı maǵlıwmattı redaktorlaw tártibi belgilendi
Kóshpes múlikte jasaw ornı boyınsha dizimnen ótken shaxslar haqqındaǵı maǵlıwmattı redaktorlaw tártibi belgilendi.
Húkimet qararı (38-sanlı, 30.01.2026-j.) menen "Ózbekstan Respublikası puqaralarınıń jasaw ornı mánzilin hám olarǵa tiyisli kóshpes múlikte jasaw ornı boyınsha dizimnen ótken shaxslar haqqındaǵı maǵlıwmattı redaktorlaw boyınsha mámleketlik xızmet kórsetiw"diń hákimshilik reglamenti tastıyıqlandı.
Reglamentke bola, mámleketlik xızmet tómendegiler boyınsha kórsetiledi:
- puqaranıń jasaw mánzili haqqındaǵı nadurıs maǵlıwmattı redaktorlaw boyınsha múrájatı tiykarında sistemada redaktorlanǵan dizimge alıw betin beriw;
- múlik iesiniń kóshpes múlikte jasaw ornı boyınsha dizimnen ótken shaxs (shaxslar) haqqındaǵı nadurıs maǵlıwmattı redaktorlaw boyınsha múrájatı tiykarında sistemada mánzil boyınsha dizimnen ótkenler haqqında redaktorlanǵan maǵlıwmatnama beriw.
Ishki isler ministrligi janındaǵı Migraciya hám personallastırıw departamenti hám onıń aymaqlıq bólimleri usı tarawda wákillikli uyım esaplanadı.
Arza beriwshi sorawnama beriw ushın wákillikli uyım yaki mámleketlik xızmetler orayına jeke kelip múrájat etedi yaki Birden-bir interaktiv mámleketlik xızmetleri portalı arqalı (my.gov.uz (https://my.gov.uz/uz)) mámleketlik xızmetten elektron túrde paydalanıw ushın dizimnen ótedi.
- Wákillikli uyımǵa kelip túsken sorawnama 3 jumıs kúni dawamında kórip shıǵıladı.
- Wákillikli uyım tárepinen sorawnamada kórsetilgen maǵlıwmatlardı úyreniw nátiyjelerine bola, redaktorlanǵan maǵlıwmat sistema arqalı QR-kod qoyǵan túrde tastıyıqlanadı hám sol kúnniń ózinde arza beriwshige xabarnama jiberiledi.
2026-jıl 1-marttan baslap Ózbekstan Respublikası puqaraları jasaw ornı mánzilin hám olarǵa tiyisli kóshpes múlikte jasaw ornı boyınsha dizimnen ótken shaxs (shaxslar) haqqındaǵı maǵlıwmattı redaktorlaw ushın Birden-bir interaktiv mámleketlik xızmetleri portalı arqalı elektron múrájat etiw imkaniyatı jaratıladı.
Taxtakópir arayonı ádillik bólimi
Mámleketlik xızmetler orayı baslıǵı M.Allambergenov