Янгиликлар
09
Korrupsiyalıq huqıqbuzarlıq haqqında xabar bergen shaxslar mámleket tárepinen pullay xoshametleniwinen xabarıńız barma?
Korrupsiyalıq huqıqbuzarlıq haqqında xabar bergen shaxslar mámleket tárepinen pullay xoshametleniwinen xabarıńız barma?
Ózbekstan Respublikası Ministrler Kabinetiniń 2020-jıl 31-dekabrdegi 829-sanlı qararı menen Korrupciyaǵa baylanıslı huqıqbuzarlıq haqqında xabar bergen yamasa korrupciyaǵa qarsı gúresiwge basqasha tárizde járdem bergen shaxslardı xoshametlew tártibi haqqındaǵı reje tastıyıqlandı.
Rejege bola, korrupciyaǵa baylanıslı huqıqbuzarlıq haqqında xabar bergen shaxslar tómendegi tiykarlardan biri bar bolǵanda bir mártelik aqshalay sıylıq penen xoshametlenedi, bular:
- ózlerine qarsı para talap etken shaxs yamasa olarǵa belgili bolǵan korrupciyaǵa baylanıslı huqıqbuzarlıq haqqında korrupciyaǵa qarsı gúresiw uyımları (Bas prokuratura, Mámleketlik qáwipsizlik xızmeti, Ishki isler ministrligi, Bas prokuratura janındaǵı Ekonomikalıq jınayatlarǵa qarsı gúresiw departamenti) na bergen xabarı tiykarında bunday huqıqbuzarlıq ashılsa;
- korrupciyaǵa baylanıslı jınayattı islegenligi ushın izlewdegi shaxs haqqında huqıq qorǵaw uyımlarına berilgen xabar tiykarında izlewdegi shaxstıń uslanıwı (huqıq qorǵaw uyımlarınıń xızmetkerleri buǵan kirmeydi).
Oǵan bola, korrupciyaǵa baylanıslı huqıqbuzarlıq haqqında xabar bergen yamasa korrupciyaǵa qarsı gúresiwge basqasha tárizde járdem bergen shaxslar tiyislisinshe BEMnıń 3 esesinen 25 esesine shekem muǵdarda bir mártelik aqshalay sıylıq penen xoshametleniwi múmkin.
Hátteki, shaxs korrupciyaǵa qarsı gúresiwge múnásip úles qosqanlıǵı ushın mámleketlik sıylıqqa da usınıs etiliwi múmkin.
Korrupciyalıq huqıqbuzarlıqlardıń gúwası bolsańız huqıqtı qorǵaw uyımlarına múrájat etiw arqalı joqarıda atap ótilgen jeńilliklerden paydalanıwıńız hám jınayatlardıń aldın alıwıńız múmkin.
Biybinaz Opayeva
Puqaralıq isleri boyınsha
Nokis rayonlararalıq sudı sudyası